Бо тоҷикӣ 
 На русском 
 In English 
Почта Факултетҳо Кафедраҳо Шӯрои диссертатсионӣ Озмунҳо Муқовимат бо коррупсия Об барои рушди устувор Ҷадвали дарсӣ "Рушди таҳсилоти олӣ" Erasmus+/DigEco

Китобхона

Mahmad150.jpg

Директори китобхонаи  илмии  донишгоҳ:
Юнусов Абдуқаюм 

                         Суроға:  

734067, ш. Душанбе, кӯчаи Нахимов 64/14

                                                                                                                                                                         Телефон:

                                                                                                                                                                          (+99237) 884-24-57


                                                                                                                                                                                                                      E-mail:

a.yunusov@tgfeutj















Фаъолияти  китобхонаи  илмии  донишгоҳ,  дар  асоси санадҳои  меъёрӣ  ҳуқуқӣ.
 


ktb401.jpgКитобхонаи илмии донишгоҳи давлатии молия ва иқтисоди Тоҷикистон фаъолияти кории худро айни ҳол тибқи «Низомнома дар бораи сохтори китобхонаи илмии ДДМИТ ва вазифаҳои хидматии кормандони он» ва “Дастурамали вазифавии директори китобхона”, ки дар Шӯрои олимони донишгоҳ аз 03 декабри соли 2018 тасдиқ гардидаанд, ба роҳ мондааст. Ҳамчунин фаъолияти китобхона аз тарафи Шурои методии китобхона назорат карда шуда, раиси Шӯрои методӣ ё ҷонишини ӯ дар ҷамъбасти соли таҳсил дар Шӯрои илмӣ-методӣ ё Шӯрои Олимони донишгоҳ аз фаъолияти яксолаи китобхона ҳисобот медиҳад.
Дар қарори Ҳукумати Ҷумҳурии Тоҷикистон аз 30.12.2005, таҳти № 501, ки оид ба консепсияи рушди фарҳанги Ҷумҳурии Тоҷикистон тасдиқ шудааст, хеле хуб дарҷ гардидааст: «Китобхона тарғибгари асосии афкори илмӣ, бадеӣ ва хазинаи ҳама гуна шаклҳо ва жанрҳои иттилоотӣ ба шумор меравад. Ин соҳаи фаъолияти фарҳангии халқи тоҷик дар тули қарнҳо такомул ва инкишоф ёфтааст ва тимсоли таҷрибаи бои таърихӣ дорад».
Бешубҳа, ҳар шахси соҳибфарҳанг ва оқилу доно яқин медонад, ки сарчашмаи муваффақиятҳояш хондану омӯхтан ба ҳисоб рафта, дар ҷаҳони муосир калиди пешравиҳо ва рушду тараққиёти давлатҳои алоҳида, ташаккули иқтисодиёти ба дониш асосёфта мебошад.
 



Маълумот дар бораи ҷойгиршавӣ  ва  ҳайати кории китобхонаи илмии  донишгоҳ:

 
ktb403.jpg




   Дар донишгоҳ айни ҳол китобхонаи илмӣ ва китобхонаи электронӣ фаъолият менамоянд. Зикр кардан бамаврид аст, ки китобхонаи илмӣ барои тарбияи мутахассисони соҳибунвон нақши ҳалкунанда мебозад. Дар китобхонаи илмии донишгоҳ 8 нафар кормандон: директор, 2 нафар китобдори калон, 3 нафар китобдор 1 нафар китобшинос ва 1 нафар сармутахасиси китобхонаи электронӣ кору фаъолият доранд.
 







Маълумоти мухтасар дар бораи миқдори адабиётҳои китобхонаи илмӣ:

 
ktb404.jpg

Фонди умумии китобхонаи илмии донишгоҳро зиёда аз 111100 нусха адабиётҳо ташкил медиҳад.
Аз ин миқдор, онҳо аз чунин шаклҳо: 37603 нусха китобҳои умумитаълимӣ, 48800 нусха китобҳои тахассусӣ, 14593 нусха китобҳои илмӣ, 6371 нусха китобҳои бадеӣ, зиёда аз 4151 нусха дастуру барномаҳо, 45 нусха рисолаи илмӣ, 2 нусха рисолаи докторӣ ва зиёда аз 125 нусха фишурдаи рисола (автореферат) - ҳо иборат мебошад.Ин рақамҳо афзоянда мебошад, чунки харид ва қабули адабиётҳо дар китобхона мунтазам зиёд шуда истодааст.
Китобхонаи илмии донишгоҳ дорои толорҳои хониш ҳам дар китобхонаи илмӣ ва электронӣ буда, ба 156 ҷои нишаст мутобиқ гардонида шудааст.
 





Маълумот дар бораи китобхонаи электронии донишгоҳ: 


Дар китобхонаи электронии донишгоҳ зиёда аз 860 ҳазор нусха китобҳо ҷамъ оварда шудааст. Дар китобхонаи электронӣ барои хизмат расонидан 56 ҷои нишаст муҳаё карда шуда айни ҳол барои хизматрасонӣ ба хонандагон 54 адад компютер насб карда шудааст, ки 30 тои он ба шабакаи интернет пайваст карда шуда омодаи кор ва хизматрасонӣ мебошад. Донишҷӯён-хонандагон аз компютерҳои китобхонаи электронӣ, ки ба шабакаи интернет пайваст мебошанд, метавонанд озодона истифода баранд.
 





Мониторинги миёнаи моҳонаи давомоти донишҷуён дар китобхонаи донишгоҳ;

 

Донишҷуён новобаста аз он, ки дар кадом бинои таълимӣ таҳсил менамоянд, аз китобхонаи донишгоҳ адабиётҳои лозимии худро дастрас менамоянд. Ин нишондиҳандаҳо далолат аз он медиҳанд, ки дар ҳолати аз кор рафтан ё ба рухсатии меҳнатӣ баромадан,  дар   варақаи гардишӣ (обходной лист) номи  китобхона  ба инобат  гирифта шуда ва  бо имзою муҳри китобхона қабул ва хориҷ карда мешавад.

      

Мониторинги миёнаи моҳонаи гирдгардиши китобҳо дар китобхонаи донишгоҳ чунин аст:

Мониторинги миёнаи моҳонаи давомоти донишҷуён дар китобхонаи илмии донишгоҳ дар давраи соли таҳсили 2019 ва се моҳаи соли таҳсили 2020 чунин натиҷа дод. Миқдори умумии аъзоён-хонандагон ба китобхонаи илмӣ ва электронии донишгоҳ ва мониторинги миёнаи моҳонаи гирдгардиши адабиётҳо (китобдиҳӣ) ва омаду рафти хонандагон.


                                                                                                     

№ т/т

Муассиса

Донишҷӯён

Омӯзгорон  ва кормандон

Ҷамъи хонандаҳо

Гардиши китобҳо   (китобдиҳӣ) ва омаду рафти хонандагон дар давоми моҳ

1

Китобхонаи   илмӣ

4000

434

4434

18632
15849

2

Китобхонаи  электронӣ

1177

386

1563

2740 нафар

Ҳамагӣ

5177

741

5997

16731



 

Чорабиниҳои дар донишгоҳ баргузоргардида ва ширкати кормандони китобхонаи илмӣ дар чорабиниҳои донишгоҳӣ ва берун аз он


         Дар соли 2021 китобхонаи илмии донишгоҳ дар ҳамаи мизи муддаварҳо, конференсияҳои донишгоҳӣ ва ҷумҳуриявӣ, аз ҷумла конфронси илмӣ – назарявии ҳайати профессорону устодон ва донишҷӯён дар моҳи апрели соли 2022 бо намоиши китобҳои нав ва тахассусии соҳавӣ иштирок намуд.

  Баъди тасдиқ ва пешниҳод гардидани рузи Президент дар китобхони илмии донишгоҳ гӯшаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ташкил карда шуда дар он ҳамаи асарҳои Президенти Ҷумҳурии Тоҷикистон ҷамъовардашуда пешниҳоди хонандагон гардонида шудааст.

Инчунин бо супориши раёсати донишгоҳ дар бинои сеюми донишгоҳ кабинети илмии Пешвои миллат ташкил карда шуда аз ҳисоби фонди китобхонаи илмии донишгоҳ 160 нусха китоб барои ин кабинет ҷудо карда шуд.

ktb405.jpgДар таърихи 21 апрели соли 2021 таҳти рақами №219 қарори раиси шаҳри Душанбе мӯҳтарам Рустами Эмомалӣ оид ба баргузор намудани озмуни “ Китобхонаи беҳтарин” дар шаҳри Душанбе ба тасвиб расид, ки китобхонаи илмии ДДМИТ ҳам барои иштирок дар ин озмун тайёрии ҳаматарафа дида иштирок намуд. Як нуқтаро қайд кардан ба маврид аст, ки китобхонаи илмии донишгоҳ дар озмуни “Китобхонаи илмии беҳтарин” дар байни ҳамаи китобхонаҳои муассисаҳои ноҳияи Синои пойтахт ҷои аввалро соҳиб ва сазовори Диплом ва мукофоти пулӣ гардида барои иштирок дар озмуни “ Китобхонаи беҳтарин” дар шаҳри Душанбе роҳхат гирифт.

Афзун намудани фонди китобхона, беҳтар кардани сифати хизматрасонӣ, баланд бардоштани истеъдоди касбии кормандон ва пешниҳоди навъҳои нави хизматрасонӣ барои хонандагон ва ба ин маркази фарҳангӣ ҷалб намудани шумораи бештари хонандагон мебошад. Бе монеа дастрас намудани маълумоти зарурии соҳаҳои гуногун ба рушди иқтисодию иҷтимоии ҷомеа имконоти зарурӣ фароҳам меорад. Ин ҳадаф бо роҳи ташкили хуби кори китобхонаҳо, ҷорӣ намудани технoлогияи замонавии электронӣ, коркард, ҷустуҷӯю нигаҳдории маълумот ва инчунин табодули он аз тариқи васоити телекоммуникатсионии муосир ба даст меояд.

Китобхонаи илмии донишгоҳи давлатии молия ва иқтисоди Тоҷикистон бо Китобхонаи миллии Тоҷикистон, китобхонаҳои Донишгоҳи миллии Тоҷикистон, Донишгоҳи тиббии Тоҷикистон, Донишгоҳи технологии Тоҷикистон, Донишгоҳи давлатии тиҷорати Тоҷикистон, Донишгоҳи байналмиллалии сайёҳӣ ва соҳибкории Тоҷикистон, Донишкадаи фарҳанг ва санъати ба номи Мирзо Турсунзода, Китобхонаи давлатии патентию техникии “Маркази миллиии патенту иттилоот”-и Вазорати рушди иқтисод ва савдои Ҷумҳурии Тоҷикистон ва раёсати кор бо китобхонаҳои Вазорати фарҳанги Ҷумҳурии Тоҷикистон робитаи зич дошта, ҳамкорӣ карда истодааст.

 

МАЪМУРИЯТИ  КИТОБХОНАИ  ИЛМӢ.