Бо тоҷикӣ 
 На русском 
 In English 
Почта Факултетҳо Кафедраҳо Суратҷода Шӯрои диссертатсионӣ Аккредитатсия Муқовимат бо коррупсия Об барои рушди устувор Ҷадвали дарсӣ Лоиҳаи "Рушди таҳсилоти олӣ"

Китобхона

Mahmad150.jpg

                         Суроға:  

734067, ш. Душанбе, кӯчаи Нахимов 64/14
Директори китобхонаи  илмии  донишгоҳ:
Юнусов Абдуқаюм 

                                                                                                                                                                         Телефон:

                                                                                                                                                                          (+99237) 884-24-57


                                                                                                                                                                                                                      E-mail:

a.yunusov@tgfeutj















Фаъолияти  китобхонаи  илмии  донишгоҳ,  дар  асоси санадҳои  меъёрӣ  ҳуқуқӣ.
 


Китобхонаи илмии донишгоҳи давлатии молия ва иқтисоди Тоҷикистон фаъолияти кории худро айни ҳол тибқи «Низомнома дар бораи сохтори китобхонаи илмии ДДМИТ ва вазифаҳои хидматии кормандони он» ва “Дастурамали вазифавии директори китобхона”, ки дар Шӯрои олимони донишгоҳ аз 03 декабри соли 2018 тасдиқ гардидаанд, ба роҳ мондааст. Ҳамчунин фаъолияти китобхона аз тарафи Шурои методии китобхона назорат карда шуда, раиси Шӯрои методӣ ё ҷонишини ӯ дар ҷамъбасти соли таҳсил дар Шӯрои илмӣ-методӣ ё Шӯрои Олимони донишгоҳ аз фаъолияти яксолаи китобхона ҳисобот медиҳад.
Дар қарори Ҳукумати Ҷумҳурии Тоҷикистон аз 30.12.2005, таҳти № 501, ки оид ба консепсияи рушди фарҳанги Ҷумҳурии Тоҷикистон тасдиқ шудааст, хеле хуб дарҷ гардидааст: «Китобхона тарғибгари асосии афкори илмӣ, бадеӣ ва хазинаи ҳама гуна шаклҳо ва жанрҳои иттилоотӣ ба шумор меравад. Ин соҳаи фаъолияти фарҳангии халқи тоҷик дар тули қарнҳо такомул ва инкишоф ёфтааст ва тимсоли таҷрибаи бои таърихӣ дорад ».
Дар Паёми имсола яъне 26 декабри соли 2019 Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон оид ба китоб ва китобхона хело хуб қайд намуданд, ки “Китобхонаҳо бояд ба маркази муҳими илму фарҳанг табдил дода шаванд, зеро китоб маҳсули ақлу заковати мардуми соҳибтамаддун, омили асосии ҳифзи фарҳанги миллӣ ва яке аз муҳимтарин воситаҳои маърифатнок кардани аҳли ҷомеа буда, қобилияти сухандониву суханрониро сайқал медиҳад, доираи андешаву тафаккур ва ҷаҳонбинии инсонро васеъ ва ӯро ба роҳи дурусти зиндагӣ роҳнамоӣ мекунад”. Вобаста ба ин ба Вазорати маориф ва илми Ҷумҳурии Тоҷикистон «Оид ба баланд бардоштани сатҳи маънавиёти аҳолӣ, хондани на кам аз панҷ китоби бадеӣ дар як сол ва ҳифзи асарҳои манзуму мансури адибони гузаштаву муосирро барои калонсолону хонандагон» ба роҳ мондан, инчунин дар соли 2020 барои гузаронидани озмуни “Фуруғи субҳи доноӣ”-ро аз руи се самт ба роҳ монанд супориши қатъӣ доданд, ки мо ҳамчун муассисаҳои олии кишвар ба самти сеюм дохил мешавем.
Оиди ин масъала боз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин ибрози ақида кардаанд: “Китоб аст, ки бо нури донишу маърифат роҳи мардумонро равшан сохта, боиси ҳастиву пойдории миллат, таърих, забон, адабиёт ва фарҳанг гардидааст”, инчунин дар ҷои дигар низ қайд менамояд: «Миллати мо бо китоб ва китобхонӣ, заковат ва маърифатнокии худ дар ҷаҳони мутамаддин мақоми шоиста касб кардааст», ки ҳақ бар ҷониби уст ва ин суханони пурганҷ дар амал тасдиқи худро баръало ёфтааст.
Бешубҳа, ҳар шахси соҳибфарҳанг ва оқилу доно яқин медонад, ки сарчашмаи муваффақиятҳояш хондану омӯхтан ба ҳисоб рафта, дар ҷаҳони муосир калиди пешравиҳо ва рушду тараққиёти давлатҳои алоҳида, ташаккули иқтисодиёти ба дониш асосёфта мебошад.
 



Маълумот дар бораи ҷойгиршавӣ  ва  ҳайати кории китобхонаи илмии  донишгоҳ:

 
Дар донишгоҳ айни ҳол китобхонаи илмӣ ва китобхонаи электронӣ фаъолият менамоянд. Зикр кардан бамаврид аст, ки китобхонаи илмӣ барои тарбияи мутахассисони соҳибунвон нақши ҳалкунанда мебозад. Дар китобхонаи илмии донишгоҳ 8 нафар кормандон: директор, 2 нафар китобдори калон, 3 нафар китобдор 1 нафар китобшинос ва 1 нафар сармутахасиси китобхонаи электронӣ кору фаъолият доранд.
Бо кӯмак ва дастгирии лоиҳаи Иттиҳоди Аврупо соли 2016 ба китобхонаи илмӣ таҷҳизотҳои нави замонавӣ аз ҷумла: 36 рафи китобгузорӣ, 20 мизи корӣ, 100 курсӣ барои нишаст, 3 мизи корӣ барои насби компютерҳо оиди барномаи картотекӣ, 2 рафи корӣ барои намоиши китобҳо, 3 аробача барои кашонидани китобҳо ва 2 мизи кории нави замонавӣ барои фаъолияти кормандон насб карда шудааст, ки боз ҳам рӯҳияи кормандон ва хонандагонро баланд мебардорад.
Ба ғайр аз ин боз аз ҳисоби ин лоиҳа зиёда аз 1600 дона китобҳои нави соҳаи иқтисодӣ ба забонҳои русӣ ва англисӣ барои гурӯҳҳои забони англисӣ таҳсилкунанда тақдим карда шудааст.
Дар китобхонаҳои илмӣ ва ҳам электронӣ барномаи махсуси картотекӣ Delphy-lib насб карда шудааст, ки имрӯз донишҷӯ метавонад ба воситаи ин барнома адабиёти даркории худро ба осонӣ дастрас намояд.
 





Маълумоти мухтасар дар бораи миқдори адабиётҳои китобхонаи илмӣ:

 
Фонди умумии китобхонаи илмии донишгоҳро зиёда аз 106890 нусха адабиётҳо ташкил медиҳад.
Аз ин миқдор, онҳо аз чунин шаклҳо: 37203 нусха китобҳои умумитаълимӣ, 44572 нусха китобҳои тахассусӣ, 14593 нусха китобҳои илмӣ, 6371 нусха китобҳои бадеӣ, зиёда аз 4151 нусха дастуру барномаҳо, 12 нусха рисолаи илмӣ, 2 нусха рисолаи докторӣ ва зиёда аз 90 нусха фишурдаи рисола (автореферат) - ҳо иборат мебошад.Ин рақамҳо афзоянда мебошад, чунки харид ва қабули адабиётҳо дар китобхона мунтазам зиёд шуда истодааст.
Китобхонаи илмии донишгоҳ дорои толорҳои хониш ҳам дар китобхонаи илмӣ ва электронӣ буда, ба 156 ҷои нишаст мутобиқ гардонида шудааст.
 





Маълумот дар бораи китобхонаи электронии донишгоҳ: 


Дар китобхонаи электронии донишгоҳ зиёда аз 800 ҳазор нусха китобҳо ҷамъ оварда шудааст. Дар китобхонаи электронӣ барои хизмат расонидан 56 ҷои нишаст муҳаё карда шуда айни ҳол барои хизматрасонӣ ба хонандагон 20 адад компютер насб карда шудааст, ки 18 тои он ба шабакаи интернет пайваст карда шуда омодаи кор ва хизматрасонӣ мебошад. Донишҷӯён-хонандагон аз компютерҳои китобхонаи электронӣ, ки ба шабакаи интернет пайваст мебошанд, метавонанд озодона истифода баранд.
Дар соли таҳсили 2018-2019 барои ҷалби аъзоён-хонандагони китобхонаи илмӣ бо дастгирии раёсати донишгоҳ як қатор корҳо ба анҷом расонида шуд. Аз тарафи кормандони китобхона варақаи аъзогӣ ташкил карда шудааст, ки он барои аъзогии ҳам китобхонаи илмӣ ва электронӣ ба устодон ва ҳам донишҷуён хизмат мерасонад.
 





Мониторинги миёнаи моҳонаи давомоти донишҷуён дар китобхонаи донишгоҳ;

 

Донишҷуён новобаста аз он, ки дар кадом бинои таълимӣ таҳсил менамоянд, аз китобхонаи донишгоҳ адабиётҳои лозимии худро дастрас менамоянд. Ин нишондиҳандаҳо далолат аз он медиҳанд, ки дар ҳолати аз  кор рафтан ё ба  рухсатии  меҳнатӣ  баромадан,  дар   варақаи гардишӣ (обходной лист) номи  китобхона  ба инобат  гирифта шавад ва  бо имзою муҳри    китобхона қабул карда шавад.Чунки  ин  амал  барои  сари  вақт  ҷамъ овардани  адабиётҳои  китобхона,  ки  дербоз  дар  дасти  хонанда  мебошад,  кумак  мерасонад.  

      

Мониторинги миёнаи моҳонаи гирдгардиши китобҳо дар соли 2019 ва се моҳаи соли 2020 чунин аст:

Мониторинги миёнаи моҳонаи давомоти донишҷуён дар китобхонаи илмии донишгоҳ дар давраи соли таҳсили 2019 ва се моҳаи соли таҳсили 2020 чунин натиҷа дод. Миқдори умумии аъзоён-хонандагон ба китобхонаи илмӣ ва электронии донишгоҳ ва мониторинги миёнаи моҳонаи гирдгардиши адабиётҳо (китобдиҳӣ) ва омаду рафти хонандагон.


                                                                                                     

№ т/т

Муассиса

Донишҷӯён

Омӯзгорон  ва кормандон

Ҷамъи хонандаҳо

Гардиши китобҳо   (дар  давоми моҳ) ва омаду рафт дар китоб. электронӣ

1

Китобхонаи   илмӣ

3552

435

3987

14049

2

Китобхонаи  электронӣ

1037

306

1066

2682 нафар

Ҳамагӣ

4589

741

5053

16731



 

Чорабиниҳои дар донишгоҳ баргузоргардида ва ширкати кормандони китобхонаи илмӣ дар чорабиниҳои донишгоҳӣ

ва берун аз он дар давоми соли 2019- ва се моҳаи соли 2020


         Дар соли 2019 китобхонаи илмии донишгоҳ дар ҳамаи мизи муддаварҳо, конференсияҳои донишгоҳӣ ва ҷумҳуриявӣ, аз ҷумла конфронси илмӣ – назарявии ҳайати профессорону устодон ва донишҷӯён дар моҳи апрели соли 2019 бо намоиши китобҳои нав ва тахассусии соҳавӣ иштирок намуд.

  Бо вуҷуди ҳамаи ин маълумотҳои додашуда, ҳаминро қайд кардан лозим аст, ки китобхонаи илмии донишгоҳ дар ҳамаи конференсияҳо, мизи мудавварҳо ва дигар конференсияҳои илмӣ дар соли 2019 бо намоиши китобҳои тозанашри олимони донишгоҳ ва берунӣ иштирок намуд.

Мувофиқи мактуби Вазорати маориф ва илми Ҷумҳурии Тоҷикистон аз 26.06.2017, таҳти №05/5-1564 оид ба тақвияти ҳамкорӣ бо Китобхонаи миллии Тоҷикистон, бо супориш ва дастгирии ректори донишгоҳ аз ҳисоби китобхонаи илмӣ, аз ҷумла 105 ҳазор нусха адабиётҳо аз китобхонаи электронӣ ва 100 нусха китобҳои тозанашри олимони донишгоҳро омода намуда ба Китобхонаи миллии Тоҷикистон супорид.

Баъди тасдиқ ва пешниҳод гардидани рузи Президент дар китобхони илмии донишгоҳ гӯшаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ташкил карда шуда дар он ҳамаи асарҳои Президенти Ҷумҳурии Тоҷикистон ҷамъовардашуда пешниҳоди хонандагон гардонида шудааст.

Инчунин бо супориши раёсати донишгоҳ дар бинои сеюми донишгоҳ кабинети илмии Пешвои миллат ташкил карда шуда аз ҳисоби фонди китобхонаи илмии донишгоҳ 160 нусха китоб барои ин кабинет ҷудо карда шуд.

Дар давоми семоҳаи аввали соли 2020 китобхони илмии донишгоҳ дар ҳамаи чорабиниҳои илмӣ, аз ҷумла дар конференсияҳои донишгоҳӣ, ҷумҳуриявӣ ва байналмиллалӣ бо намоиши тозанашри китобҳои олимон ва устодони донишгоҳ иштирок намуд. Ба монанди конфронси донишгоҳӣ дар таърихи 31 марти соли 2020 бо ташабусси Раёсати илм ва иноватсияи донишгоҳ ва кафедраи фаъолияти гумрукии факултети муносибатҳои иқтисодии байналмиллалӣ дар мавзуи “Нақши мақомоти гумрук дар таъмин ва рушди иқтисоди миллӣ”, инчунин дар таърихи 4 апрели соли 2020 мизи муддавар-маҳфили зеҳнии кафедраҳои назарияи иқтисодӣ ва фаъолияти бонкӣ дар мавзуи “Теоретическо-методологические аспекты формирование и развития финансового рынка в переходной эканомике” ва ғайраҳо ташкил ва гузаронида шуд, ки дар ин чорабинҳо китобхонаи илмӣ бо намоиши китобҳои соҳавии олимон ва устодони донишгоҳ иштирок намуд.

Дар таърихи аз 13 то 18 апрели соли 2020 дар донишгоҳ ҳафтаи илм ва конфронси илмӣ – назарявии ҳайати профессорону устодон ва донишҷӯён бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” (2020-2040) баргузор гардид. Дар рузи кушодашавии конфронси илмӣ-назарявӣ китобхонаи илмии донишгоҳ бо намоиши китобҳои тозанашри тахассусии соҳавии олимон ва устодони донишгоҳ иштирок намуд.

Директори китобхонаи илмии донишгоҳ дар соли 2018 мувофиқи мактуби Китобхонаи давлатии патентию техникии “Маркази миллиии патенту иттилоот”-и Вазорати рушди иқтисод ва савдои Ҷумҳурии Тоҷикистон бахшида ба “Рӯзи китоб” ва инчунин эълон гардидани-2018 соли рушди сайёҳӣ ва ҳунарҳои мардумӣ Озмуни умумиҷумҳуриявии “Китобдор, китобхона ва китобхонаи шахсии сол дар Ҷумҳурии Тоҷикистон барои солҳои 2017-2018”- эълон гардида буд, иштирок ва баромад намуд. Маъмурияти китобхонаи илмии донишгоҳ барои иштирок дар озмуни ҷумҳуриявии “Китобхонаи беҳтарини сол” ҳуҷҷатҳо ва дигар маводҳое, ки аз тарафи комиссияи озмунӣ талаб карда мешуд, ба Китобхонаи давлатии патентию техникии “Маркази миллиии патенту иттилоот”-и Вазорати рушди иқтисод ва савдои Ҷумҳурии Тоҷикистон пешниҳод гардонид.

Натиҷаи ин озмун дар “Рӯзи китоб” 4 сентябри соли 2018 дар шаҳри Душанбе дар семинари ҷумҳуриявии соҳаи китобдорӣ дар Китобхонаи давлатии патентию техникии “Маркази миллиии патенту иттилоот”-и Вазорати рушди иқтисод ва савдои Ҷумҳурии Тоҷикистон ҷамъбаст гардид. Китобхонаи илмии Донишгоҳи давлатии молия ва иқтисоди Тоҷикистон дар ин озмун соҳиби Ифтихорнома гардид.

Афзун намудани фонди китобхона, беҳтар кардани сифати хизматрасонӣ, баланд бардоштани истеъдоди касбии кормандон ва пешниҳоди навъҳои нави хизматрасонӣ барои хонандагон ва ба ин маркази фарҳангӣ ҷалб намудани шумораи бештари хонандагон мебошад. Бе монеа дастрас намудани маълумоти зарурии соҳаҳои гуногун ба рушди иқтисодию иҷтимоии ҷомеа имконоти зарурӣ фароҳам меорад. Ин ҳадаф бо роҳи ташкили хуби кори китобхонаҳо, ҷорӣ намудани технoлогияи замонавии электронӣ, коркард, ҷустуҷӯю нигаҳдории маълумот ва инчунин табодули он аз тариқи васоити телекоммуникатсионии муосир ба даст меояд.

Китобхонаи илмии донишгоҳ бо Китобхонаи миллии Тоҷикистон, китобхонаҳои Донишгоҳи миллии Тоҷикистон, Донишгоҳи тиббии Тоҷикистон, Донишгоҳи технологии Тоҷикистон, Донишгоҳи давлатии тиҷорати Тоҷикистон, Донишкадаи сайёҳӣ, соҳибкорӣ ва хизмати Тоҷикистон, Китобхонаи давлатии патентию техникии Муассисаи давлатии “Маркази миллии патенту иттилоот” –и Вазорати рушди иқтисод ва савдои Ҷумҳурии Тоҷикистон ва шуъбаи кор бо китобхонаҳои Вазорати фарҳанги Ҷумҳурии Тоҷикистон робитаро пурзур намуда, ҳамкорӣ карда истодааст.

 

МАЪМУРИЯТИ  КИТОБХОНАИ  ИЛМӢ.