Хабарҳо

Муносибатҳои байнибуҷетӣ ва хусусиятҳои он

13 феврали соли равон бо ташаббуси кафедраи молия ва муомилоти пулии факултети молия ва қарз бахшида ба эълон гардидани Соли рушди сайёҳӣ ва ҳунарҳои мардумӣ семинари илмӣ-назариявии донишкадавӣ дар мавзӯи «Муносибатҳои байнибуҷетӣ ва хусусиятҳои он дар Ҷумҳурии Тоҷикистон» гузаронида шуд, ки дар он доираи васеи устодон ва донишҷӯён ширкат варзиданд.
Доир ба мавзӯи зикршуда дотсенти кафедра Гулмаҳмад Оймаҳмадов маърӯза намуда, зикр сохт, ки васеъгардонии муносибатҳои молию пулӣ дар давлатҳо на танҳо сабаби мустақилияти иқтисодию молиявии буҷетҳои алоҳида гардид, балки муайянкунандаи тарзу усул ва шаклҳои амалинамоии муносибатҳои байнибуҷетиро ба вуҷуд овард. Зикр гашт, ки муносибатҳои байнибуҷетӣ, аз як тараф, барандаи муносибатҳои молию пулӣ бошанд, аз тарафи дигар, барандаи муносибатҳои молиявӣ  оид ба ташкил, тақсиму азнавтақсимкунии фондҳои мақсадноки давлатӣ барои ҳисоббаробаркуниҳо мебошанд.
Баъди маърӯза музокира ва суолу ҷавобҳо пешниҳод шуда, семинари мазкурро бо сухани интиҳоӣ сардори раёсати илм ва инноватсия Қ. Муқимов ҳусни анҷом пазируфт.     

Насрулло Тӯйчизода