Хабарҳо

Созишномаи нави ҳамкорӣ ба имзо расид

Санаи 17 сентябр бо ташаббуси раёсати илм ва инноватсия ва Ассотсатсияи миллии менеҷерон ва маркетингшиносон (АМММ) дар ДДМИТ семинари муаррифии консепсияи Академияи менеҷер ва бизнес «САМО» баргузор гардид. Дар семинар раиси АМММ, профессор Бозоров Шавкат, муовини ректор оид ба робитаҳои байналмилалӣ Қодиров Фирӯз, сардори раёсати илм ва инноватсия Хоҷаев Даврон ва донишҷӯёну магистрантони донишгоҳ иштирок доштанд. 
Дар рафти семинар Бозоров Шавкат ба иштирокчиён барои рушди фаъолияти касбии менеҷерон ва баромадан ба сатҳи нави тараққиёти бизнес, консепсияи Академияи менеҷер ва бизнес «САМО»-ро муаррифӣ карда, аз самтҳои афзалиятнок ва муҳимми соҳа ёдовар шуд. 
Дар интиҳои семинар байни ДДМИТ ва АМММ созишномаи ҳамкорӣ ба имзо расид. 

Нуралӣ Раҳимзода