Хабарҳо

Меҳмонони қазоқистонӣ дар зермаҳфили «Зеҳн»

26-уми сентябри соли равон дар донишгоҳ зермаҳфили навбатии «Зеҳн»-и факултети технологияҳои иттилоотӣ дар иқтисодиёт доир гардид, ки дар он меҳмонон аз Ҷумҳурии Қазоқистон ширкат варзиданд. 
Маҳфилро муовини ректор оид ба илми донишгоҳ Баҳром Сафаров ифтитоҳ намуда, изҳори хушнудӣ кард, ки дар доираи барномаҳои мубодилавӣ ҳамкориҳои донишгоҳ бо муассисаҳои таҳсилоти олии хориҷӣ афзудааст. Сипас меҳмононро ба ҳозирин ошно намуд. 
Мудири кафедраи педагогикаи Донишгоҳи давлатии Кокшетау ба номи Ш. Уалиханов, дотсент Шаяхметова Айсулу Алкешовна дар мавзӯи «Ценности стратегии международного проекта «АCADEMICA» по программе европейского союза Эразмус +» баромад намуд. 
Зикр намуд, ки донишгоҳи давлатиии Кокшетау ба номи Ш. Уалиханов аз лиҳози татбиқи лоиҳаҳои байналмилалӣ дар Ҷумҳурии Қазоқистон мавқеи сеюмро дорост. Зеро давоми 10 сол ин донишгоҳ 11 лоиҳаро амалӣ намудааст. Ҳамзамон доир ба роҳҳои самарабахши муосиркунии усули таълим сухан ронд. Сипас маърӯзаи ёрдамчии ректори Донишгоҳи давлатии Кокшетау ба номи Ш. Уалиханов Каирденов Серик Сырлыбаевич дар мавзӯи «Исследование эффективности и конкурентоспособности исламских банков с применением математических методик» шунида шуд. 
Дар охири чорабинӣ музокирот сурат гирифт. 

Насрулло Тӯйчизода