Хабарҳо

Машғулиятҳо барои такмили ихтисоси кормандони мақомоти гумрук

Тибқи мактуби Хадамоти гумруки назди Ҳукумати Ҷумҳурии Тоҷикистон таҳти №020/003-8125 аз 24 сентябри соли 2018 оид ба курси такмили ихтисоси кормандони мақомоти гумруки Ҷумҳурии Тоҷикистон дар самти «Фаъолияти оперативӣ-ҷустуҷӯӣ», ки аз 24 сентябр то 5 октябри соли ҷорӣ баргузор мегардад, устоди калони кафедраи фаъолияти гумрукӣ Маҳмадзода Ҳайдар барои гузаронидани машғулиятҳо дар Донишкадаи такмили ихтисоси кормандони мақомоти гумрук сафарбар карда шуд. 
Маҳмадзода Ҳ. дар машғулиятҳо ба кормандони мақомоти гумрук дар бораи ҳуҷҷатгузории ҳолати оперативӣ-ҷустуҷӯӣ, пешгирии ҳуқуқвайронкуниҳои маъмурӣ ва ҷиноятӣ дар доираи фаъолияти гумрук, пешгирии гардиши ғайриқонунии воситаҳои нашъаовар, моддаҳои психотропӣ ва прекурсорҳо ва дигар мавзӯъҳои мубрами соҳа маълумоти мушаххас дод. 
Бояд ёдовар шуд, ки устодони кафедраи мазкур дар ҳамкорӣ бо Донишкадаи такмили ихтисоси кормандони мақомоти гумрук пайваста дар баланд бардоштани донишҳои назариявӣ ва амалии кормандони мақомоти гумрук саҳм мегузоранд.