Хабарҳо

Омӯзиши дарси оиладорӣ

Дар санаи 4-уми октябри соли ҷорӣ бо ибтикори кафедраи иқтисоди корхонаҳо ва соҳибкории факултаи иқтисод ва бизнеси ДДМИТ дарси кушоди куратории Сафарова С. дар мавзӯи «Оила ва оиладорӣ» баргузор гардид. Дарси кушоди кураторӣ бо иштироки равоншинос Рӯзиева В., духтури оилавӣ Шукуров Ҳ., омӯзгор Холова Б., ҳамшираи тиббӣ Ҳокимова М. ва омӯзгорону донишҷӯён баргузор гардид. 
Дар оғоз маърӯза дар бораи маърифати оиладорӣ ва фарҳанги он дар ҷомеаи муосир ироа шуд. Пас он саҳначаи тарбиявии донишҷӯён дар мавзӯи «Сабр дар ҳаёти оиладорӣ» намоиш дода шуд. Инчунин сурудхонӣ ва рақс низ аз тарафи донишҷӯён иҷро карда шуд. 
Пас аз ҳунарнамоии донишҷӯён муаллима Холова Бозоргул ба ҳайси намоянда аз оилаҳои намунавӣ ба ҷавонон ва донишҷӯён аз таҷрибаи ҳаётӣ ва оиладории худ қисса карда, вобаста ба оиладории ҷавонони имрӯза ва устувор нигоҳ доштани оила тавсияҳои ахлоқӣ дод. 
Дар охир ба меҳмонон аз ҷониби факулта туҳфаҳои хотиравӣ супорида шуд.