Хабарҳо

Донишҷӯи ДДМИТ савозори ду ҷой гашт

Баргузории чорабиниҳои варзишӣ ва соҳиби ҷойҳои намоён гаштани донишҷӯёни ДДМИТ мавқею нуфузи донишгоҳро рӯз то рӯз боло мебарад. Айнан яке аз чунин чорбиниҳои варзишӣ санаи 27-уми октябри соли ҷорӣ мусобиқаи Ҷумҳурии Тоҷикистон оид ба Шотокан Каратэ-до S.K.I.F дар шаҳри Душанбе баргузор гардид. Дар мусобиқа Оятулло Қодиров, донишҷӯи курси 3, ихтисоси хадамоти гумруки факултети муносибатҳои иқтисодии байналмилалии донишгоҳ иштирок карда, сазовори ҷойи якуми кумите-даставӣ ва ҷойи дуюми кумите гардид. 
Ёдовар бояд шуд, ки мусобиқа бо ибтикори Ташкилоти ҷамъиятии маркази рушди Шотокан Каратэ-до S.K.I.F ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид. Дар ҷамъбасти мусобиқа ба ғолибон аз ҷониби раиси Ташкилоти ҷамъиятии маркази рушди Шотокан Каратэ-до S.K.I.F Мирзоев М. медал ва ифтихорнома супорида шуд. 

Нуралӣ Раҳимзода