Хабарҳо

Дастболоии варзишгарони ДДМИТ

Бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва раёсати кор бо ҷавонон ва варзиши шаҳри Душанбе 23-уми октябр мусобиқаи шаҳрӣ ва 15-уми ноябри соли ҷорӣ мусобиқаи ҷумҳуриявӣ оид ба бокс ва гӯштии миллӣ дар байни донишҷӯёни муассисаҳои олии касбии шаҳри Душанбе бахшида ба Рӯзи Президенти Ҷумҳурии Тоҷикистон баргузор гардид. Дар ин мусобиқаҳо донишҷӯёни ДДМИТ низ қувваозмоӣ намуда, обруву эътибори донишгоҳро боло бурданд. 
Дар даври мусобиқаи шаҳрӣ Суннатулло Ҳакимов- донишҷӯи курси якуми факултети ҳисобдорӣ ва омор Умед Сулаймонов- донишҷӯи курси сеюми факултети менеҷмент ва ҳуқуқи иқтисодӣ, Исмоили Ибодулло донишҷӯи курси сеюми факултети иқтисод ва бизнес дар намуди гӯштии миллӣ ва Шаҳбоз Камолов - донишҷӯи курси якуми факултети иқтисод ва бизнес дар намуди бокс бо ҷойи дуюм ва медалҳои ифтихорӣ сарфароз гардонида шуданд. 
Шаҳбоз Камолов боксёри ҷавони донишгоҳ барои ишғол намудани ҷойи сеюм дар мусобиқаи ҷумҳуриявӣ оид ба бокс байни донишҷӯёни муассисаҳои олии касбии Ҷумҳурии Тоҷикистон аз ҷониби роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон Атҳам Абдуллозода бо диплом ва медал сарфароз гардонида шуд. 
Ногуфта намонад, ки донишҷӯёни ғолибро Беҳрӯз Азизқулов – муаллими калони кафедраи тарбияи ҷисмонӣ ва мудофиаи гражданӣ Сармураббибии дастаи боксёрони ДДМИТ тамрин медиҳад. 

Нуралӣ Раҳимзода