Хабарҳо

Ташкил ва пешбурди бизнес

Баҳри татбиқи Ҳадафҳои рушди устувор ва рушди бизнеси дохилию берунӣ санаи 22 ноябри соли равон дар факултети иқтисод ва бизнеси ДДМИТ бо ташаббуси ширкати «КАБИР ТИҶОРАТ ГУРӮҲ» бизнес-тренинг гузаронида шуд.
Дар тренинг Меҳрубон Бурҳонов - муассиси ширкат дар мавзӯи «Ташкил ва пешбурди бизнес дар шароити Ҷумҳурии Тоҷикистон» баромад намуд.
Дар машварати мазкур оид ба паҳлуҳои гуногуни ташкили бизнес ва рушди соҳибкорӣ дар ҷумҳурӣ, ба мисли машваратҳои консалтингӣ, бюрои тарҷумонӣ, иттифоқи қарзӣ, дарёфт ва интихоби бизнес-идея, навиштани бизнес-план(нақшаи тиҷоратӣ), дарёфти сармоя барои лоиҳаҳои тиҷоратӣ ва ташкили бизнес бе сармояи аввалия ба донишҷӯён донишҳои амалӣ дода шуд.
Инчунин ширкати «КАБИР ТИҶОРАТ ГУРӮҲ» бо кафедраи иқтисоди корхонаҳо ва соҳибкории  факултети иқтисод ва бизнеси ДДМИТ барои кушодани филиали он дар назди кафедра ба мувофиқа расиданд. 

   
Ормонова Моҳру,  
ҷонишини декан оид ба илм