Хабарҳо

Кафедраи фаъолияти бонкӣ викторина гузаронд

Рӯзи 29.11.2018с. бо ташаббуси кафедраи фаъолияти бонкии факултети молия ва қарз дар байни донишҷӯёни ихтисосҳои кори бонкӣ ва иқтисодиёти молиявӣ ва бонкӣ викторина аз фанҳои тахассусӣ гузаронида шуд. Викторина 120 саволро дар бар гирифта, фарогири тамоми фанҳои тахассусии кафедраи фаъолияти бонкӣ, аз ҷумла фанҳои фаъолияти бонкӣ, амалиётҳои бонкӣ, менеҷмент ва маркетинги бонкӣ, фаъолияти бонкҳои исломӣ, муносибатҳои мукотибавии байнибонкӣ, низоми бонкии мамлакатҳои хориҷа, муомилоти пулӣ ва қарз ва монанди инҳо омода карда шуд. Дар рафти баргузории викторина донишҷӯён фаъолона иштирок намуда, ба саволҳои омодашуда посухҳои мушаххас доданд. 
Бояд кайд намуд, ки пайваста гузаронидани чунин маҳфилу викторинаҳои баҳсталаб дар ғанӣ гардонидани савияи дониши донишҷӯён мусоидат намуда, онҳоро барои омӯзиш, таҳлил ва тасаввурот ҳидоят менамояд. Инчунин ҳисси масъулияти донишҷӯии онҳоро дар роҳи ҷустуҷӯи паҳлуҳои гуногуни илмӣ бедор менамояд. Ин иқдомҳои факултети молия ва қарз барои баланд бардоштани шахсият ва дониши донишҷӯён идома хоҳад ёфт. 

Қаландар Сафаров, ассистенти кафедраи фаъолияти бонкӣ