Хабарҳо

Муаррифии имкониятҳои таҳсил дар Ҷопон

Дар асоси мактуби Вазорати маориф ва илми Ҷумҳурии Тоҷикистон 1-уми декабр дар донишгоҳ аз ҷониби намояндагони маркази забономӯзии «Silk Start Edication» барои идомаи таҳсили донишҷӯён дар зинаи бакалавр ва магистри донишгоҳҳои Ҷумҳурии Япония муаррифӣ гузаронида шуд. 
Ноиби ректор оид ба робитаҳои байналмилалӣ Фирӯз Қодиров, намояндагони кишвари Ҷопон Того Тетсуа ва Фуджи Кохей ва намояндагони маркази забономӯзӣ дар чорабинии мазкур иштирок доштанд. Зикр гардид, ки минбаъд донишҷӯёни тоҷик, аз ҷумла толибилмони Донишгоҳи давлатии молия ва иқтисоди Тоҷикистон метавонанд тавассути ин марказ аз рӯи риштаҳои тиҷорат, психология, менеҷмент, дизайн ва ғайра дар донишгоҳҳои олии Ҷопон таҳсил намоянд. Зеро Ҷопон кишварест, ки дар он сатҳи таълим хеле баланд буда, дар бозори ҷаҳонӣ барои пайдо намудани мавқеъ ба хатмкунандагон имкониятҳои фаровон мавҷуд мебошад. 
Дар охири чорабинӣ байни меҳмонон ва донишҷӯёни донишгоҳ саволу ҷавоб ва музокирот сурат гирифт. 

Н. Тӯйчизода