Хабарҳо

Чароғе беҳтар аз китоб нест шоми моро

Зери ҳамин унвон шоми 6-уми феврали соли 2019 бо ибтикори бахши хобгоҳҳои раёсати корҳои тарбиявии Донишгоҳи давлатии молия ва иқтисоди Тоҷикистон миёни донишҷӯёни истиқоматкунандаи хобгоҳҳои донишгоҳ аксияи китобхонӣ доир карда шуд. Ҷараёни баргузории аксияи мазкур доираи зиёди муштоқони илму донишро фаро гирифт. Зимни амалинамоии он беҳтарин китобҳо мавриди мутолиа қарор гирифтанд. Ҳамчунин, садгонаи беҳтарин китобҳои бадеию сиёсӣ аз ҷониби иштирокдорони аксия интихоб гардида, барои дастрасӣ ҷиҳати мутолиаи донишҷӯён тавсия дода шуд. 
Бояд гуфт, ки воситаи ҷалби донишҷӯён барои мутолиаи бештари китоб ва истифодабарии самараноки вақт ибтидо дар шакли аксия роҳандозӣ хоҳад шуд ва ҷиҳати боз ҳам беҳсозии он дар оянда василаҳои наву муассири чораандешӣ мавриди амал қарор мегирад. 
Дар назар дошта шудааст, ки бо вусъатёбии чораандешиҳо дар ин самт аз ҷониби бахши хобгоҳҳои раёсати корҳои тарбиявии донишгоҳ озмуни «Китобхонӣ» роҳандозӣ хоҳад шуд ва он дар арафаи Рӯзи ҷавонони Тоҷикистон ҷамъбаст гардида, беҳтаринҳо бо диплому туҳфаҳо қадрдонӣ карда мешаванд. 

Раҷабов Мақсуд - мутахассиси раёсати корҳои тарбиявӣ оид ба хобгоҳҳои донишгоҳ