Бо тоҷикӣ 
 На русском 
 In English 
Почта Факултетҳо Кафедраҳо Суратҷода Мо дар ВАО Маркази ТИК Муқовимат бо коррупсия Об барои рушди устувор Ҷадвали дарсӣ Лоиҳаи "Рушди таҳсилоти олӣ"

Хабарҳо

Боздиди донишҷӯён аз мавзеъҳои таърихиву фарҳангӣ

Боздиди донишҷӯён аз мавзеъҳои таърихиву фарҳангӣ

Бо ибтикори раёсати корҳои тарбиявии Донишгоҳи давлатии молия ва иқтисоди Тоҷикистон дар доираи силсила чорабиниҳои умумидонишгоҳӣ бахшида ба эълон гардидани солҳои 2019-2021 «Соли рушди деҳот, сайёҳӣ ва ҳунарҳои мардумӣ» дар донишгоҳ аксияи сайёҳӣ зери унвони «Ҷавонон-дӯстӣ бидуни маҳдудият» роҳандозӣ гардид. Нахустин шуда, дар доираи ҳамин аксия санаи 10 марти соли 2019 бахши хобгоҳҳои раёсати корҳои тарбиявӣ боздиди донишҷӯёни дар хобгоҳҳои донишгоҳ истиқоматкунандаро ба шаҳри Ҳисор ва Қалъаи Ҳисор, ки бозгӯкунандаи таърихи куҳан ва фарҳанги бойи ниёгони миллати тоҷик мебошад, сафарбар намуд. Дар доираи ин сафар беш аз 50 нафар фаро гирифта шуданд. Боздиди донишҷӯён аз Қалъаи Ҳисор ба шабу рӯзе рост меояд, ки шавқмандони фарҳанги болои наврӯзӣ ҷашни байналмилалии Наврӯз 2019-ро таҷлил менамоянд. 
Бояд гуфт, ки ҳадаф аз роҳандозии иқдоми мазкур ташаккули ҷаҳонбинии фарҳангиву маънавии ҷавонон, баланд бардоштани худшиносиву худогоҳии миллӣ, шиносоӣ ба мавзеъҳои таърихиву фарҳангӣ ва дастовардҳои даврони соҳибистиқлолии кишвар дониста мешавад. Иқдоми мазкур ба таври ҳамешагӣ роҳандозӣ гардида, дар ҷараёни он донишҷӯён ба шаҳру ноҳияҳои кишвар сафарбар мегарданд.