Хабарҳо

Имзои ёддошти тафоҳум бо САҲА

Санаи 16 апрели соли ҷорӣ вохӯрии ректори Донишгоҳи давлатии молия ва иқтисоди Тоҷикистон Шукрулло Хайрзода бо роҳбари коллеҷи сарҳадӣ барои идоракунии ҳайати роҳбарикунандаи САҲА дар шаҳри Душанбе Ҷонатан Холланд сурат гирифт. Зимни вохӯрӣ масъалаҳои омодакунӣ ва баланд бардоштани сатҳи касбии устодони соҳаи гумрук ба миён гузошта шуд. Инчунин гуфта шуд, ки ҳадаф аз ташкили вохӯрӣ ин мусоидат барои баланд бардоштани сатҳи касбияти омӯзгорони соҳаи гумрук мебошад. Бинобар ин бо мақсади дар амал татбиқ кардани ҳадаф байни ДДМИТ ва коллеҷи сарҳадӣ барои идоракунии ҳайати роҳбарикунандаи САҲА дар шаҳри Душанбе ёддошти тафоҳум ба имзо расид.

 
Дар идомаи вохӯрӣ намояндагони коллеҷи сарҳадӣ аз синфхонаи моноблокии факултети технологияҳои иттилоотӣ дар иқтисодиёт, китобхонаи илмӣ, толори конфронсӣ ва марказҳои тестии муассиса дидан намуданд. Зимни боздид меҳмонон аз шарту шароити таҳсил ва техникаву таҷҳизоти муҳайёгардидаи донишгоҳ аз наздик шинос шуданд. 

Раҳимзода Н.