Хабарҳо

Баррасии муаммоҳои бозори коғазҳои қиматнок

Бо ибтикори кафедраи фаъолияти биржавӣ санаи 17 апрели соли равон семинари илмию назариявии донишгоҳӣ дар мавзӯи «Муаммоҳои рушди бозори коғазҳои қиматнок дар Ҷумҳурии Тоҷикистон» баргузор гардид. 
Дар семинар директори ҶДММ «Прайм Инвест» дар БФОМ Негматов Қадриддин, директори ҶСП «Маҳфуздорандаи марказӣ» дар БФОМ Раҳмонова Умеда ширкат ва баромад карданд. 
Негматов Қ. дар баромади худ қайд намуд, ки бозори коғазҳои қиматнок яке аз шаклҳо ва қисматҳои маъмули бозори сармоя буда, барои ҳамаи субъектҳои иқтисодӣ сарчашмаи асосии захираҳои инвеститсионӣ ба ҳисоб меравад. 
Ҳамчунин гуфта шуд, ки бозори коғазҳои қиматнок қисми таркибии бозори молиявӣ буда, аз маҷмӯи муносибатҳои молиявию иқтисодӣ оид ба интишор ва хариду фурӯши коғазҳои қиматнок иборат аст ва айни замон дар Ҷумҳурии Тоҷикистон мебояд бозори такрории коғазҳои қиматнокро рушд бахшид, ки он барои рушди муносибатҳои молиявию иқтисодӣ заминагузор мегардад.