Хабарҳо

Ғолибияти варзишгари ДДМИТ

Бахшида ба таҷлили Рӯзи ҷавонон санаи 21 майи соли равон бо ибтикори Кумитаи марказии Ташкилоти ҷамъиятии мададгорони мудофиаи Ҷумҳурии Тоҷикистон мусобиқаи картингронӣ байни донишҷӯёни донишгоҳҳо ва донишкадаҳои шаҳри Душанбе баргузор гардид. Дар мусобиқа Иқболшо Муминов, донишҷӯи курси 1, ихтисоси идораи давлатии факултети иқтисод ва бизнеси ДДМИТ фаъолона ширкат варзида, дар охир аз ҷониби раиси кумита, генерал-майор Ф.Лангариев бо Дипломи дараҷаи 3, медал ва туҳфаҳои хотирмон сарфароз гардонида шуд. 
Ёдовар бояд шуд, ки роҳбари Иқболшо ассистенти кафедраи тарбияи ҷисмонӣ ва мудофиаи гражданӣ Сулаймон Шафиев мебошад.