Хабарҳо

Боздиди донишҷӯён аз мавзеъҳои таърихиву фарҳангӣ

Бо ибтикори раёсати корҳои тарбиявии Донишгоҳи давлатии молия ва иқтисоди Тоҷикистон дар доираи силсилачорабиниҳои умумидонишгоҳӣ бахшида ба эълон гардидани солҳои 2019-2021 «Соли рушди деҳот, сайёҳӣ ва ҳунарҳои мардумӣ» дар донишгоҳ аксияи сайёҳӣ зери унвони «Ҷавонон-дӯстӣ бидуни маҳдудият» роҳандозӣ гардида истодааст. Дар ҳамин замина 22 октябри соли 2019 бо ибтикори Маҳмадӣ Ашуров-сарпарасти донишҷӯёни курси 4-уми ихтисоси 1-26020200-менеҷменти факултети менеҷмент ва ҳуқуқи иқтисодӣ ба шаҳри Ҳисор ва Қалъаи Ҳисор, ки бозгӯкунандаи таърихи куҳан ва фарҳанги бойи ниёгони миллати тоҷик мебошад, сафарбар шуданд. Дар доираи ин сафар беш аз 50 нафар фаро гирифта шуданд. Боздиди донишҷӯён аз Қалъаи Ҳисор ба шабу рӯзе рост меояд, ки шавқмандони фарҳанги болои тоҷикон тантанаҳои иди Меҳргонро таҷлил менамоянд. 
Бояд гуфт, ки ҳадаф аз роҳандозии иқдоми мазкур ташаккули ҷаҳонбинии фарҳангиву маънавии ҷавонон, баланд бардоштани худшиносиву худогоҳии миллӣ, шиносоӣ бо мавзеъҳои таърихиву фарҳангӣ ва дастовардҳои даврони соҳибистиқлолии кишвар дониста мешавад. Иқдоми мазкур ба таври ҳамешагӣ роҳандозӣ гардида, дар ҷараёни он донишҷӯён ба шаҳру ноҳияҳои кишвар сафарбар мегарданд. 

М. Ашуров, мудири кафедраи менеҷмент