Хабарҳо

Аҳли коллективи ДДМИТ Паёми Пешвои миллатро хуш истиқбол гирифтанд

Санаи 26-уми декабри соли ҷорӣ дар ДДМИТ Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз ҷониби устодону донишҷӯёни муассиса ба тариқи оинаи нилгун тамошо карда шуд. Устодону донишҷӯёни донишгоҳ дар ду толор, ки ҳудуди ҳозирин аз 1000 нафар зиёд буд, Паёми Пешвои миллатро хуб истиқбол гирифтанд. 
Ҳайати коллективи таълимгоҳ аз нуктаҳои муҳимму таъсирбахши Паём илҳоми тоза гирифта, барои боз ҳам боло бардоштани сифати таълиму тарбия камари ҳиммат бастаанд. Паёми Пешвои миллатро ҳамчун дастури раҳнамунсоз қабул карда, минбаъд аз рӯи он нақшаи чорабиниҳо тартиб дода, амал мекунанд.