Хабарҳо

Шанбегӣ дар арафаи Наврӯз

Баҳри сазовор пешвоз гирифтани ҷашни байналмилалии Наврӯз ва вусъати корҳои ободониву кабудизоркунӣ дар ДДМИТ шанбегии умумидонишгоҳӣ ташкил карда шуд. 
Шанбегӣ баҳри вусъати корҳои ободонӣ ва иҷроиши қарори шаҳри Душанбе ва мактуби вазорати маориф ва илм рӯзҳои 14-ум ва 15-уми март баргузор гардид. Дар шанбегӣ кормандони хоҷагидорӣ, устодону кормандон ва донишҷӯёни дар хобгоҳҳои донишгоҳ иқоматдошта дар умум, зиёда аз 1500 нафар аз соати 8-и субҳ сар карда, то соати 12-и нисфирӯзӣ аз даромадгоҳи кӯчаи Нахимов ба самти донишгоҳ то кӯчаи Нахимов 64/14, гирду атрофии хобгоҳи №1 ва №2 ва кӯчаи Гипрозем бо гузаргоҳҳояш тоза карданд. 

Ҳамчунин ин навбат таваҷҷуҳи асосӣ ба ҷӯйборҳои обгузар аз партовҳо дода шуда, дарахтони сершохи хушкшуда гирду атрофи донишгоҳ кӯтоҳ ва бурида шуданд. Инчунин кормандони хоҷагидорӣ дар растаҳои донишгоҳ гулҳои баҳорӣ шинонда, назди ҳамаи дарахтон ва арчаҳоро нарму мулоим карданд. Дар баробари устодону кормандон ва донишҷӯён сафолакҳои роҳи ба самти донишгоҳро ранг доданд. 
Ҳамин тавр, пайваста дар ДДМИТ барои ободу зебо ва кабудизоркунӣ ва хуррамгардонии саҳн ва гирду атрофи он, инчунин саҳм гузоштан дар пешравии шаҳри Душанбе дар донишгоҳ корҳои ободонӣ бовусъат идома дошта, дар он ҳайати омӯзгорону кормандон ва донишҷӯён фаъолона ширкат доранд.