Хабарҳо

Шиносоии донишҷӯён бо барномаи номзадҳо

Бо ташаббуси факултети молия ва қарз дарси тарбиявӣ дар мавзӯи «Интихоботи Президенти Ҷумҳурии Тоҷикистон» баргузор гардид. 
Дар чорабинӣ сарпарасти гурӯҳи молия ва назорат дар соҳаи фаъолияти гумрук Б. Ахмедова оид ба номзадҳо ба мансаби Президенти Ҷумҳурии Тоҷикистон ва шахсони боэътимоди онҳо изҳори андеша кард. Номбурда иштирокдоронро бо мазмуну мундариҷа ва мақсади барномаҳои пешазинтихоботии номзадҳо ба таври мухтасар шинос намуд. 
Б. Ахмедова зикр кард, ки барномаҳои пешазинтихоботии номзадҳо аз рӯйи мазмуну мундариҷа ва мақсадҳо ба таъмини сулҳу оромӣ, ваҳдати миллӣ, волоияти қонун, ҳифзи музаффарияти истиқлол ва бехатарии давлат, рушди босуботи иқтисоди мамлакат, истиқлолияти энергетикӣ, озуқаворӣ, коммуникатсионӣ, дар маҷмӯъ, баҳри баланд бардоштани некуаҳволии мардум бахшида шудаанд. 
Бояд ёдовар шуд, ки интихоботи Президенти Ҷумҳурии Тоҷикистон санаи 11-уми октябри соли равон баргузор мегардад.