Хабарҳо

Давлатманд боз соҳиби ҷойи якум

Давлатманд Солиев, донишҷӯи курси 1, ихтисоси кори рекламаи факултети иқтисод ва бизнеси ДДМИТ рӯзи 21 феврал дар мусобиқаи кушод оид ба гӯштини зудо (дзю-до) байни наврасону ҷавонон, ки дар шаҳри Ваҳдат баргузор гардид, иштирок намуда, дар вазни зиёда аз 66 кг соҳиби ҷойи аввал ва Ифтихорнома гардид. 

Мусобиқа бахшида ба 28-умин солгарди таъсисёбии Қувваҳои Мусаллаҳи Ҷумҳурии Тоҷикистон гузаронида шуд. 

Ба гуфти Давлатманд, ӯ аз синни нуҳсолагӣ ба ин намуди варзиш машғул гардида, соҳиби 38 медал мебошад ва ҳамеша мавқеи ифтихориро комёб гардидааст. Аз ин шумора 23-тои онҳо ҷойи якум мебошад.