Хабарҳо

Ободонӣ ба истиқболи Наврӯз

Бо мақсади ба роҳ мондани корҳои ободкорӣ ва кабудизоркунӣ бахшида ба иди байналмилалии Наврӯз ва ба истиқболи сазовори ҷашни 30-солагии Истиқлолияти давлатии Ҷумҳурии Тоҷикистон дар ДДМИТ рӯзи 13 март шанбегӣ доир гардид. 
Дар шанбегӣ устодону донишҷӯёни факултаҳои молия ва қарз ва ҳисобдорӣ ва омор ҳудуди донишгоҳ, кӯчаи Нахимов ва қитъаҳои ба муассиса вобасташударо рӯбучин ва тозаю озода гардонида, бехи дарахтон ва гулу буттаҳоро нарм намуданд. 
Ҳамчунин, аз ҷониби кормандони раёсати маъмурию хоҷагидорӣ дохили донишгоҳ тоза, шохи дарахтон кӯтоҳу ба тартиб дароварда шуда, ҷӯйборҳои дохил ва беруни таълимгоҳ аз партовҳо тоза карда шуд. 
Бояд гуфт, ки ин гуна ҳашарҳои дастаҷамъӣ пайваста гузаронида мешавад ва он барои ободонии як гӯшаи диёр мусоидаткунанда аст.