Хабарҳо

Роҳхат ба олимпиадаи АМИТ

Бо ташаббуси кафедраи забони тоҷикӣ дар якҷоягӣ бо раёсати илм ва инноватсия давраи дуюми олимпиадаи умумидонишгоҳӣ аз фанни забони тоҷикӣ ва адабиёт гузаронида шуд. Аз байни ҳашт нафар довталаб Таманно Норбекова, донишҷӯи курси 2-и факултети муносибатҳои иқтисодии байналмилалӣ барои иштирок дар олимпиадаи Акадамияи миллии илмҳои Тоҷикистон роҳхат гирифт. 
Тавре дар суҳбат ба мо, муаллимаи калони кафедраи забони тоҷикӣ Савринисо Муҳаммадиева иброз дошт, Таманно Норбекова яке аз донишҷӯёни фаъол буда, мутолиаи китобҳоро дӯст медорад. Дар озмуни ноҳиявии «Фурӯғи субҳи доноӣ китоб аст» иштирок намудану соҳиби Ифтихорнома гардиданаш нишонаи гуфтаҳои болост. 
Баргузор намудани чунин олимпиадаҳо барои дарёфти чеҳраҳо дар фазои забону адабиёти тоҷик фоли нек аст. 

Т. Эшзода