Хабарҳо

Боксчии ДДМИТ ғолиби мусобиқаи шаҳр

Бахшида ба Рӯзи Қувваҳои мусаллаҳи Ҷумҳурии Тоҷикистон дар шаҳри Душанбе чемпионати кушод оид ба бокс баргузор гардид, ки дар он Шоҳин Нусратзода, донишҷӯи курси 4 факултети иқтисод ва бизнеси ДДМИТ дар вазни 48 кг иштирок ва ғолиб омада, сазовори ҷойи 1-ум гардид. 
Ӯ бо Димломи дараҷаи 1 ва медал мукофотонида шуд. 
Ин ғолибияти аввалини Шоҳин набуда, ӯ дар чандин мусобиқаҳои варзишӣ дар сатҳи шаҳрӣ ва ҷумҳуриявӣ иштирок намуда, сазовори ҷойи ифтихорӣ гардидааст. 
Шоҳин дар назди Беҳрӯз Азизқулов, муаллими калони кафедраи варзиш ва мудофиаи гражданӣ тамрин менамояд.
Ӯ мақсад дорад, ки минбаъд низ дар мусобиқоти варзишии сатҳи ҷумҳуриявӣ ва байналмилалӣ иштирок намуда, ғолибият ба даст орад. 
Мо ба Шоҳин Нусратзода дар ин ҷода комёбиҳои навинро таманно дорем.