Хабарҳо

Нақши андоз аз арзиши иловашуда дар рушди иқтисоди миллӣ

Дар ҳамин мавзуъ бо ташаббуси кафедраи андоз ва андозбандии факултети иқтисод ва бизнес зермаҳфили «Зеҳн» баргузор гардид, ки дар он декани факултет, мудирони кафедраҳо, устодон ва донишҷӯёни ихтисоси андоз ва андозбандӣ иштирок намуданд. 
Дар доираи мавзуи мазкур мудири кафедраи андоз ва суғуртаи Донишгоҳи давлатии тиҷорати Тоҷикистон, дотсент Абдукарим Қурбонов баромад намуда, қайд кард, ки андоз аз арзиши иловашуда яке аз андозҳои ғайримустақим буда, дар қисми даромади буҷети давлат нақши босазо дорад. 
Гуфта шуд, ки дар соли 2023 33,8%-и қисми даромади андозии буҷети давлатии Ҷумҳурии Тоҷикистон аз ҳисоби андоз аз арзиши иловашуда ба нақша гирифта шудааст, ки барои рушди иқтисоди миллӣ ва қонеъ гардонидани талаботи иҷтимоию иқтисодии давлат андози мазкур нақши босазо дорад. 
Қайд карда шуд, ки мавзуи баррасишаванда яке аз мавзуъҳои муҳим буда, ба устодон ва донишҷӯёни ихтисосҳои марбутаи факултет имконият медиҳад, то аз навгониҳои соҳа огаҳӣ пайдо намоянд. 
Тағоймурод Эшзода