Хабарҳо

Ободкориҳо дар арафаи ҷашни Ваҳдати миллӣ

Санаи 24-уми июни соли равон бахшида ба Рӯзи Ваҳдати миллӣ дар Донишгоҳи давлатии молия ва иқтисоди Тоҷикистон шанбегӣ доир гардид, ки дар он омӯзгорон ва кормандон иштирок карданд. 
Бино ба иттилои сардори шуъбаи кор бо ҷавонони донишгоҳ Ҷовидон Халифазода, дар шанбегӣ 75 нафар устодон ва 21 нафар кормандони хоҷагӣ ҳудуди донишгоҳ, кӯчаи Нахимов ва қитъаҳои ба муассиса вобасташударо рӯбучин ва тозаву озода гардонида, бехи 57 дарахт ва 2432 гулу буттаҳоро нарм намуданд. Ҳамчунин шохи дарахтон кӯтоҳу ба тартиб дароварда шуда, ҷӯйборҳои дохилӣ ва беруни донишгоҳ аз партовҳо тоза карда шуданд. 
Гузаронидани чунин ободкориҳо дар донишгоҳ пайваста анъана гардидааст ва барои ободу зебо намудани як гӯшаи диёр мусоидат менамояд. 

Тағоймурод Эшзода