Хабарҳо

Ғолибияти устоди мо дар чемпионати ҷаҳонӣ

Устоди кафедраи варзиш ва мудофиаи шаҳрвандии донишгоҳ Наврӯз Арабов дар баробари таълиму тарбияи донишҷӯён дар мусобиқаҳои варзишии сатҳи ҷумҳуриявӣ ва байналмилалӣ низ иштирок намуда, пайваста пирӯзӣ ба даст меорад. 
Боиси сарфарозист, ки ӯ дар мусобиқаи байналмилалӣ дар риштаи масс-рестлинг дар вазни 125 килограмм ва стромен, ки санаи 6-12-уми сентябри соли равон дар шаҳри Хиваи Ҷумҳурии Узбекистон шуда гузашт, иштирок намуда, сазовори ҷойи савум гардид ва бо медалу туҳфаҳои хотиравии кумитаи тадорукот сарфароз гардонида шуд. 
-Аз устоди кафедра Наврӯз Арабов мо дар ҷодаи тарбияи варзишгарон умедҳои калон дорем. Ғолибияти ӯ ифтихор ва пирузии устодони донишгоҳи мост, - гуфт дар суҳбат мураббии варзишгар Собир Шокиров. 
Мо, Наврӯз Арабовро ба ин пирӯзиаш табрик гуфта, дар ҷодаи фаъолияти омӯзгорию варзишиаш муваффақияту музаффариятҳои нав ба навро таманно менамоем. 

Тағоймурод Эшзода