Хабарҳо

Шанбегӣ дар донишгоҳ

Бо мақсади ободу зебо гардонидани саҳни донишгоҳ, ҳифз намудани табиати зебо, тозаю озода нигоҳ доштани роҳравҳо, гулгашту майдонҳо дар Донишгоҳи давлатии молия ва иқтисоди Тоҷикистон ҳашарҳо ва корҳои ободонӣ мунтазам гузаронида мешаванд. 
Бо ҳамин мақсад, санаи 21-уми октябри соли равон аз тарафи кормандони бахши хоҷагидории донишгоҳ шанбегӣ ташкил гардид. Бино ба иттилои масъулини Раёсати хоҷагидории донишгоҳ, дар рафти гузаронидани маъракаи мазкур гирду атрофи майдонҳо рӯбучин ва бехи ниҳолу буттаҳо нарм карда шуда, ба онҳо нуриҳои иловагӣ дода шуданд. 
Ҳамчунин, дар рафти гузаронидани шанбегӣ ҷӯйборҳои обгузар ва гузаргоҳҳо аз партовҳо тоза ва бехи дарахту буттаҳоро нарм карданд. 

Тағоймурод Эшзода