Хабарҳо

АКСИЯИ ТАБРИКОТӢ БАХШИДА БА РӮЗИ ОМӮЗГОРОН ДАР ДДМИТ

     Ба муносибати Рӯзи омӯзгорон дар Донишгоҳи давлатии молия ва иқтисоди Тоҷикистон аз ҷониби факултети иқтисод ва идоракунии давлатӣ аксияи табрикотӣ баргузор гардид.

      Зимни баргузории аксия садорати ин факултет тамоми устодони донишгоҳро ба иди касбиашон бо самимият табрик намуда, ба онҳо гулу туҳфаҳо ва табрикномаҳои идона тақдим намуданд.

      Беҳуда нагуфтаанд, ки сарчашмаи ҳамаи хӯшиҳо, ободии ҳамаи маҳфилҳо, бузург гардидани ҳамаи шогирдони баркамол маҳз ба омӯзгорон вобастагӣ дорад. Омӯзгорон вазифаи ниҳоят душворро ба зимма гирифта, дар зиндагии пур аз розу ниёз насли инсониятро тарбия менамоянд, илм меомӯзонанд.

Ҷашн дорад ин замон дар мамлакат омӯзгор,

Тирагиро дур созад, нур бахшад рӯзгор.

Қадри ӯ хеле баланд гардид андар ин замон,

Нест мисли ӯ касе болонишин дар ҳар макон