Фанҳо

Муқаддимаи тахассусӣ - оид ба шинососи ба низоми андози Ҷумҳурии Тоҷикистон, марҳилаҳои бавуҷудоӣ ва рушди низоми андози миллӣ, баланд бардоштани ҳавасмандӣ нисбати ихтисоси интихобкардаи донишҷӯ омӯзонида мешавад. 

Назария ва таърихи андозбандӣ - оид ба пайдоиш ва инкишофи назарияи андоз ва андозбандӣ, гаронии андоз ва баргузоштани он, системаи андозҳо принсипхои сохтор ва қонуниятҳои амалии он ва таъсири микро - макроиқтисодии андозҳо мавриди омӯзиш қарор дода мешавад. 

Системаи миллии андози Ҷумҳурии Тоҷикистон - оид ба бавуҷудоӣ ва тавсифи умумии системаи муосири андози миллии Тоҷикистон, муносибатҳои байнибуҷавӣ ва танзими он дар кишвар ва равандҳои асосии инкишофи системаи андози ҶТ омӯхта мешавад. 

Ташкил ва усули тафтиши андоз - оид ба масъалаҳои мухталиф доир ба тартиби гузаронидани чорабиниҳои назорати андозӣ ба монанди санҷишҳои андоз, ҳуқуқ ва ӯҳдадориҳои кормандони мақомоти андоз ва андозсупоранда ҳангоми гузаронидани санҷишҳои андоз, усули идоракунии хавфҳо ҳангоми банақшагирии санҷиши андоз, тартиб ва мӯҳлати шикояти андозсупорандагон аз санади санҷиши андоз мавриди омӯзиш қарор дода мешавад. 
Баҳисобгирӣ ва ҳисобот дар мақомоти андоз- оид ба ташкили корҳои баҳисобгирии андозҳо, ҳисобкунии онҳо ва дигар пардохтҳо ба буҷет, тартиби сохтани ҳисоботҳои андозӣ, тартиби ҳисоб кардани фоизҳо (товон) дар ҳисобҳои шахсӣ, баҳисобгирӣ ва нигоҳдории варақаҳои ҳисоботҳои қатъӣ ҳангоми андозбанди истифодашаванда омӯхта мешавад. 

Андозбандии аъзоёни фаъолияти иқтисодӣ хориҷа - оид ба гурӯҳбандии низоми гумрукû аз нуқтаи назари иқтисодû, имтиёзҳои тарифû ва переференсҳо, намудҳои имтиёзҳои пешниҳодшудаи мувофиқи қонунгузории андози ва гумрукӣ, аксизҳо, АИИ дар муомилоти молии байналхалқû ва хусусияти ситонидани он дар ҶТ азхуд карда мешавад. 

Андозбандии ташкилотҳои сектори молиявии иқтисодиёт - оид ба хусусиятҳои андозбандии бонкҳои тиҷоратӣ, муассисаҳои суғуртавӣ ва фондҳои инвеститсионӣ, бозори фондӣ аз он ҷумла: тартиби муайяннамоии манбаҳои андозбандишаванда барои ҳисоби андозҳо дар бонкҳо, ташкилотҳои суғуртавӣ, фондҳои инвеститсоинӣ, бозори қоғазҳои қимматнок омӯзонида мешавад. 

Идоранамои фаъолияти андоз - оид ба асосҳои назариявию ҳуқуқии сохтори ташкили идоранамоии фаъолияти андоз ва хусусиятҳои он дар шаҳру ноҳияҳои Ҷумҳурии Тоҷикистон, вазифаҳои таъмини иттилоотии фаъолияти андоз аз худ карда мешавад. 

Андозҳои ҷумҳуриявӣ ва андозситонӣ аз ташкилотҳо - оид ба хусусиятҳои андозбандии андоз аз фоида, андоз аз арзиши иловашуда, аксизҳо, андоз аз истифодабарандагони роҳҳои автомобилгард, ки корхонаҳо пардохт менамоянд мавриди омӯзиш қарор дода мешавад. 

Андозбандии ғайрирезидентҳо - оид ба тавсифи умумии ғарирезидентҳо, хусусиятҳои бахисобгирӣ бақайдгирӣ гузоштани шахсони хуқуқию воқеии ғайрирезидентҳо, муқаррар намудани андозҳои мустақим ва ғайримустақиме, ки шахсони воқеъӣ-ғайрирезидентҳо пардохт менамоянд, омӯзонида мешавад. 

Пешгӯи ва банақшагирӣ дар андозбандӣ - оид ба асосҳои пешгӯию банақшагирии андозбандӣ дар корхонаҳо, даромади буҷети давлат, методҳои банақшагирӣ ва тарзҳои ҳозиразамони ҳаддиақалнамоии пардохти андоз, барғалатиҳо дар андозбандӣ ва чораҳои мубориза зидди саркаршӣ аз андозсупорӣ мавриди омӯзиш қарор дода мешавад. 

Ташкил ва усулҳои муҳосиботи андозӣ - оид ба иқтидори (потенсиали) андоз, баҳодиҳӣ, ташаккул ва истифодабарӣ, усулҳо ва амалияи ҳисобкунӣ ва пардохти андозҳо, тартиби ҳисоб ва пардохти андозҳо аз худ карда мешавад. 

Коргузорӣ дар мақомоти андоз - оид ба омода намудан ва ба расмият даровардани ҳуҷҷатҳо, қоидаҳои тартиб додан ва ба расмият даровардани ҳуҷҷатҳои ташкилию амрдиҳӣ, ташкили гардиши ҳуҷҷат дар мақомоти андоз ба донишҷӯён омӯзонида мешавд. 

Андоз ва андозбандӣ - оид ба мафҳум, моҳият ва зарурияти андоз, системаи андози ҶТ, тартиби ҳисоб ва пардохти андозҳо, назорати андоз, сиёсати буҷетию андозии давлат аз худ карда мешавад. 

Практикум оид ба усулҳои баҳисобгирии андоз ва андозбандӣ - оид ба тартиби ҳисоб ва пардохтани андозҳо дар амалия аз рӯи унсурҳои андоз ба донишҷуён омӯзонида мешавад. 

Низоми махсуси андоз - оид ба хусусиятҳои андозбандии низоми андозбандии шахсони воқеие, ки фаъолияти соҳибкориро тибқи патент ё шаҳодатнома амали менамоянд, низоми соддакардашудаи андозбандӣ барои субъектҳои соҳибкории хурд, низоми соддакардашудаи андозбандӣ барои истеҳсолкунандагони маҳсулоти кишоварзӣ (андози ягона). низоми махсуси андозбандӣ барои субъектҳои бизнеси бозӣ, тартиби ҳисоб ва пардохти онҳо ба буҷет мавриди омӯзиш қарор дода мешавад. 

Низоми андозбандии мамлакатҳои хориҷӣ - оид ба хусусиятҳои умумӣ ва фарқкунандаи низоми андозбандӣ дар давлатҳои пешрафтаи иқтисодӣ, таҳлили муқоисавӣ, низоми андози давлатҳои пешрафта аз нуқтаи назари мутаносибии андозҳои мустақим ва ғайримустақим, сохтори низоми андоз дар давлатҳои пешрафта, сиёсати андози давлатҳои хориҷии давлатҳои пешрафта ва имконияти истифодаи таҷрибаи онҳо дар низоми андози миллӣ омӯзонида мешавад. 

Андозбандии маъмурӣ - оид ба ташаккул ва рушди мақомоти давлатии андози Ҷумҳурии Тоҷикистон, ҳуқуқ ва вазифаҳои мақомоти андоз ва кормандони он, таъминоти кадрӣ ва захиравии мақомоти андоз, тартиб ва усули гузаронидани санҷишҳои андозӣ. ҷавобгарии кормандон ва хизматчиён мақомоти андоз дар ҳолати вайрон кардани қонунгузории андоз ба донишҷӯён омӯзонида мешавад. 

Андозбандии шахсони воқеӣ - оид ба андозҳое, ки шахсони воқеи пардохт менамоянд, ба андоз аз даромад, андози иҷтимоӣ, андоз аз молу мулки ғайриманқул, тартиби ҳисоб ва пардохт намудани андозҳо. Намудҳои санҷиши андоз аз болои шахсони воқеӣ. Ҷавобгарии шахси воқеи ҳангоми вайрон кардани муқаррароти қонунгузории андоз. Тартиб додани протоколҳои маъмурӣ оиди вайрон кардани қонунгузории андоз аз худ карда мешавад. 

Этикаи касбӣ - оид ба этикаи рафтори кормандони мақомоти андоз дар муносибатҳои касбии иқтисодчӣ – бозраси андоз, этикети муносибат бо андозсупорандагон, фарҳанги андоз омӯзонида мешавад. 

Таърихи андозситонӣ - оид ба андоз ва андозбандӣ дар империяҳои Риму Византия, Русия ва дар давлатҳои қадими Шарқ, давлати Сосониёну Сомониён, Аморати Бухоро, андозбандӣ дар давраи Иттиҳоди Шуравӣ, марҳилаҳои инкишофи андозбандӣ, таърихи навини системаи миллии андози ҶТ мавриди омӯзиш қарор дода мешавад. 

Таъмини ҳуҷҷатгузорӣ дар мақомоти андоз - оид ба омода намудан ва ба мақомоти андоз пешниҳод намудани ҳисоботи андоз-эломияҳо, тартиби пур кардани ҳуҷҷатҳои андозӣ омӯзонида мешавад.