Фанҳо

ФАНҲОИ ТАЪЛИМИИ КАФЕДРАИ «ИҚТИСОДИЁТИ ҶАҲОН ВА ТИҶОРАТИ БАЙНАЛМИЛАЛӢ»

• Бизнеси байнлахалқӣ - фанни таълимиест, ки донишҷӯён дар раванди таълими фанни мазкур бо бозори ҷаҳонӣ ҳамчун фазои пешбурди бизнес, бозори байналхалқии молиявӣ, ҳамгироии иқтисодӣ ва бозорҳои минтақавӣ, назарияҳои тиҷорати байналхалқӣ, ҳаракати байналхалқӣ ва омилҳои истеҳсолот, назарияи бартарияти рақобатии фирмаҳо, муҳити адаптатсионии пешбурди бизнеси байналхалқӣ, низоми гумрукии ҶТ, таъминоти иттилоотии бизнеси байналхалқӣ ва бо мавқеъи минтақаҳои озоди иқтисодӣ дар рушди бизнеси байналхалқӣ ва ҷалби сармоягузории хориҷӣ ба иқтисоди миллии кишвар шиносои пайдо менамоянд.


• Иқтисоди ҷаҳон - фанни таълимиест, ки ба ҳамаи донишҷӯёни таҳсилоти рӯзона ва ғоибонаи ихтисосҳои иқтисодии амалкунандаи донишкада омӯзонида мешавад. Донишҷӯён дар раванди таълими фан оиди ташкил ва инкишофи иқтисодиёти ҷаҳон, назария ва таҷрибаи ташкили иқтисоди ҷаҳон, нишон додани хусусиятҳои механизми ташаккулёбӣ ва инкишофи фаъолияти иқтисоди ҷаҳон, равандҳо, самтҳо ва инчунин оиди марҳилаҳои қонуниятҳои инкишофи иқтисоди ҷаҳон тасаввурот пайдо менамоянд.


• Минтақаҳои озодӣ иқтисодӣ - фанни таълимие мебошад, ки мақсади омӯзиши он шинос намудани донишҷӯён бо механизм ва хусусиятҳои иштироки субъектони минтақаҳои озоди иқтисодӣ дар муносибатҳои иқтисодии байналхалқӣ мебошад.


• Иқтисодиёти мамлакатҳои хориҷӣ – яке аз фанҳое мебошад, ки омӯзиши он зарурияти хосае дорад ва донишҷӯён дар раванди таълими фанни мазкур қонуниятҳои инкишофи иқтисодиёти мамлакатҳои хориҷӣ бо истифода аз имкониятҳои захиравӣ ва бартариятҳои нисбии кишварҳои ҷаҳонро аз худ менамоянд.


• Ҳуҷҷатҳои савдои беруна – фанни таълимиест, ки ба омӯзиши донишҳои назариявӣ ва амалиявии намудҳои амалиётҳои тиҷорати беруна, таъминот ва намудҳои ҳуҷҷатҳои савдои беруна, моҳияти иҷора, лизинг ва ҳуҷҷатҳои зарури оид барасмиятдарории онҳо дар таҷрибаи ҷаҳонӣ, моҳияти ҳуҷҷатҳои тиҷоратӣ ва ба ҳуҷҷатҳо оиди амалиётҳои ҳисоби – бонкӣ нигаронида шудааст.


• Иқтисодиёти байналхалқӣ – дар фанни мазкур донишҷӯён бо мафҳуми иқтисодиёти кушод, омилҳои асосии иқтисодиёти кушод, тарзи муайянамоии маҷмуи тақозо ва маҷмуи арза дар иқтисодиёти ҷаҳон шинос мешаванд, ки дар шароити ҷаҳоншавӣ аҳамияти зиёд дорад.


• Фаъолияти иқтисодии хориҷии фирма (корхона) – мақсади асосии омӯзиши ин фан шинос намудани донишҷӯён бо ташкил, инкишофи фирмаҳо, назария ва таҷрибаи ташкили фирмаҳо, намудҳо ва шаклҳои ташкилӣ-ҳуқуқии фаъолияти фирмаҳо, нишон додани хусусиятҳои механизми ташаккулёбӣ ва инкишофи фаъолияти фирмаҳо дар хоҷагии ҷаҳонӣ аст, ки барои ҳамаи мутахассисони соҳаи иқтисодӣ зарур ва ҳамзамон мебошад.


• Танзими давлатии иқтисоди миллӣ – фанни таълимие мебошад, ки донишҷӯён дар раванди таълим бо принсипҳо ва усулҳои танзими давлатии рушди иқтисодиёт, назария ва амалияи таъсири давлат ба иқтисодиёт дар шароити гузариш ба муносибатҳои бозорӣ шинос мешаванд.


• Идоракунии фаъолияти иқтисодии хориҷии корхона - фанни мазкур ба донишҷуён имкон медиҳад, ки онҳо амалияи идоракунии фаъолияти иқтисодии хориҷии корхонаро дар шароити иқтисоди бозорӣ омӯзанд.


• Иқтисоди ҷаҳон ва фаъолияти иқтисоди хориҷӣ - донишҷӯён дар раванди таълими ин фан дар бораи ташкил ва инкишофи иқтисодиёти ҷаҳон, назария ва таҷрибаи ташкили иқтисоди ҷаҳон, равандҳо самтҳо, марҳилаҳои қонуниятҳои инкишофи иқтисоди ҷаҳон, фаъолияти иқтисодии хорҷии кишварро меомузанд ва дар бораи иқтисоди ҷаҳон чун маҷмӯи иқтисоди миллии давалатҳо тасаввурот пайдо менамоянд.


• Соҳибкории муштарак - фанни таълимиест, ки ба донишҷӯён оиди шаклҳои нави ҳамкории байналхалқӣ, истифодаи технологияи пешқадами истеҳсоли молу хадамот ва маданияти пешбурди фаъолияти соҳибкории мо дар муносибатҳои муосири байналхалқӣ маълумот медиҳад.


• Муқадимаи ихтисос – фанни мазкур донишҷӯёнро бо моҳият ва мундариҷаи ихтисоси интихоб намудаи худ, мафҳумҳои иқтисод, иқтисодиёти ҷаҳонӣ, мубодилаи мол, тиҷорат дар савдои беруна, шаклҳои асосии муносибатҳои иқтисодии байналмилалӣ, самтҳои асосии фаъолияти иқтисоди хориҷии Ҷумҳурии Тоҷикистон шинос менамояд.


• Муносибатҳои иқтисоди байналхалқӣ - фанни таълиме мебошад, ки донишҷӯён дар раванди таълим оиди иштироки субъектҳои хоҷагидории ҷумҳурӣ дар муносибатҳои иқтисодии байналхалқӣ ва нақши он дар рушди иқтисодии Ҷумҳурии Тоҷикистон, механизм ва хусусиятҳои иштироки мамлакат дар муносибатҳои иқтисодии байналхалқӣ меомӯзанд, ки омӯзиши он барои муайян намудани раванди инкишофи муносибатҳои байналхалқӣ ва таносубияти иқтисодӣ бисёр муҳим мебошад.