Бо тоҷикӣ 
 На русском 
 In English 
Почта Факултетҳо Кафедраҳо Суратҷода Шӯрои диссертатсионӣ Аккредитатсия Муқовимат бо коррупсия Об барои рушди устувор Ҷадвали дарсӣ Лоиҳаи "Рушди таҳсилоти олӣ"

Суғурта

Камолов Камол Залолович

Мудири кафера

Камолов Камол Залолович

Номзади илмҳои иқтисод, дотсент


Ауд.: Бинои таълимии II

Утоқ: 405

E-mail: k.kamolov@tgfeu.tj

Маълумот: Донишгоҳи давлатии омӯзгории Тоҷикистон ба номи Садриддин Айнӣ, Донишгоҳи аграрии Тоҷикистон ба номи Шириншоҳ Шоҳтемур

Фанҳои таълимӣ: Суғурта, нарх ва нархгузорӣ, Ояндабинии нархгузорӣ, Таъмини ҳуҷҷатнигории ташкилотҳои суғурта,

Корҳои илмӣ-тадқиқотӣ: Таъсири раванди ҷаҳонишавӣ ба дигаргунсозии иқтисоди бозорӣ

ТАЪРИХИ КАФЕДРАИ «СУҒУРТА»


Кафедраи «Суғурта» мувофиқи фармони ректори ДМИТ аз 30.05.2012, таҳти № 1/6.2 ҳамчун воҳиди таълимию илмии факултети «Иқтисоди молиявӣ ва андозбандӣ» ташкил карда шудааст. Кафедра яке аз ҷузъи таркибии факултети «Иқтисоди молиявӣ ва андозбандӣ» ба шумор рафта, дар тайёр намудани мутахассисони касбӣ равияи молиявӣ саҳми муайянеро ишғол карда истодааст. Фаъолияти кафедра дар самти таълимӣ, таълими-методӣ, илмию тадқиқотӣ ва тарбиявӣ то имрӯз бо нақша ва мақсадҳои дар доираи талаботи мактаби олӣ мутобиқ буда мунтазам анҷом ёфта истодаанд.

Таъсиси чунин кафедра барои Ҷумҳурии Тоҷикистон аҳамияти калон дорад. Зеро мақсади асосии суғурта, пеш аз ҳама ин бо боварӣ пеш рафтан аст. Дар мавриди қатъ гардидан ё канданашавии силсилаи ҷараёни истесолот, хизматрасонӣ, намудҳои дигари фаъолияти гуногунҷабҳа, ки аз хавҳои эҳтимолӣ вобастагӣ мегиранд, манфиатҳои молиявӣ ва ғайримолиявӣ, зарурати барқарор намудани зараро ба миён меорад. Ҳамзамон саломатии одамон бо роҳи пардохти маблағҳои суғурта дар ҳолати ба вуқуъ омадани ҳодисаҳои суғуртавӣ, масалан ҳодисаҳои нохуш ва расонидани зарар, пушонидани ин зарарҳо механизми махсуси барқароркуниро тақозо дорад. Бинобар ҳамин, зарурати таъмин намудани соҳаҳои мухталифи иқтисодиёти миллӣ бо мутухассисони баландихтисос дар самти суғурта ҷой дорад. Заминаи таъсис ёфтани кафедра бо номи «Нархмуайянкунӣ ва суғурта» алоқаманд мебошад. Аз 1-уми сентябри соли 2009 дар доираи факултети «Иқтисоди ҷаҳон ва инфрасохтори бозор», ҳамчун кафедраи тахассусӣ барои ихтисосҳои «Нархмуайянкунӣ» бо тахассуси «Маркетолог-иқтисодчӣ» ва «Фаъолияти суғурта» бо тахассуси бакалавр иқтисодчӣ кушода шудааст.

Гузариш ба муносибатҳои бозорӣ ва пайдо шудани талабот ба мутахассисони баландихтисоси соҳаи суғурта дар ҳамаи сохторҳои иқтисодиёт аҳамиятнокии суғуртаро бештар намуд. Дар назди кафедра масъалаи баланд бардоштани сифати таҳсил ва ба талаботи замон ҷавобгӯ будани мутахассисони ояндаро ба миён овард. Кафедра барномаҳои таълимӣ ва дастурҳои методиро дар асоси талаботи стандартӣ ва раванди таълимӣ таҳия карда баромад, ки ба шароити нави таълим ва фаъолияти иқтисодию молиявӣ ҷавобгӯ мебошанд. Айни ҳол, кафедраи суғурта яке аз зерсохторҳои асосии факултаи «Иқтисод ва бизнес» мебошад, ки барои тайёр намудани мутахассисони соҳаи иқтисодиёти миллӣ саҳм мегузорад. Дар кафедра устодони соҳибтаҷриба аз рӯи ихтисоси «Фаъолияти суғурта» дотсентон Маъдиев С, Ҳомидов А.У., устоди калон Тағоева Р., ассистентон: Шарипов У., Эшбеков Т., Ҳусайнов М., Қурбонова Ш., ва Ормонова М кор ва фаъолият доранд. Бо ҷалби коршиносони соҳаи Идораи назорати суғуртавӣ, ҳамчун воҳиди таркибии Бонки миллии Тоҷикистон, инчунин ташкилотҳои суғуртавӣ КВД Тоҷиксуғурта, фаъолияти таълимӣ, илмӣ ва тарбиявии кафедра ҷавобгу ба талаботҳои байналмилалӣ ба роҳ монда шудааст.


Аз аввали таъсисёбии кафедра устодон: дотсент Шаропов Н.,Ҳомидов А, фаъолият намудаанд. Хатмкунандагони назди кафедра аз рӯи ихтисоси худ дар вазоратҳо, Идораи назорати суғуртавӣ ҳамчун воҳиди таркибии Бонки миллии Тоҷикистон, ширкатҳои суғуртавӣ, КВД Тоҷиксуғурта ва зерсохторҳои он дар саросари ҷумҳурӣ кор ва фаъолияти пурсамар доранд. Кафедра тасмим гирифтааст, ки дар робитаи зич бо сохторҳои суғуртавӣ ва сафарбаркардани мутахассисони омадагардонидаи худ ҳамкориро пайваста пеш гирифта, давра ба давра вобаста ба хусусиятҳои соҳа интихоб ва ҷобаҷогузории кадрҳои тахасусӣ дар алоқамандии назария бо амалия таъмин намояд.