Раёсати молия ва муҳосибот

Раёсати молия ва муҳосибот сохтори таркибии Донишгоҳи давлатии молия ва иқтисоди Тоҷикистон ба шумор рафта, фаъолияти он дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи баҳисобгирии муҳосибӣ ва ҳисоботи молиявӣ», Қонуни Ҷумҳурии Тоҷикистон «Дар бораи молияи давлатии Ҷумҳурии Тоҷикистон»,  Кодекси андози Ҷумҳурии Тоҷикистон, Кодекси меҳнати Ҷумҳурии Тоҷикистон ва дигар санадҳои меъёрии ҳуқуқии танзимкунандаи соҳа ба роҳ монда шудааст.

Сохтори таркибии раёсати молия ва муҳосибот чунин мебошад:

1) Сардори раёсат;

2) Муовини сардори раёсат;

3) Бахши музди меҳнат;

4) Бахши молу амвол;

5) Бахши донишҷӯён;

6) Бахши банақшагирӣ ва дурнамои иқтисодӣ.

• Вазифаҳои асосии раёсати молия ва муҳосибот аз инҳо иборатанд:
• Банақшагирӣ ва иҷрои сметаи даромаду хароҷот ва назорати истифодаи мақсадноки онҳо;
• Пешбурди баҳисобгирии муҳосибӣ ва сабти амалиётҳои молиявӣ мутобиқи қонунгузорӣ;
• Таҳия ва пешниҳод намудани ҳисоботҳои молиявӣ ба мақомоти дахлдор;
• Назорати дохилии интизоми молиявӣ, пешгирии қонуншиканиҳо ва истифодаи ғайримақсадноки маблағҳо;
• Ташкили пардохтҳо бо таъминкунандагон ва баҳисобгирии қарзҳои дебиторию кредиторӣ;
• Ҳисоб ва пардохти муздӣ меҳнат, варақаи корношоямӣ, иловапулӣ, ҷубронпулӣ ва рухсатии меҳнатӣ;
• Таҳия ва пешниҳоди ҳисоботҳои оморӣ, андоз ва АДСИН;
• Барӯйхатгирии молу мулк, дороиҳо, уҳдадориҳо ва ҳисоби фарсудашавии воситаҳои асосӣ;
• Баҳисобгирии маблағи шартномаи таҳсил, назорати воридоти маблағҳо, ҳисоббаробаркуниҳо бо донишҷӯён;