РАВАНДИ ТАЪЛИМ

Аз ҷониби кафедра дар гурӯҳҳои академии донишгоҳ: зинаи бакалавр тадриси 18 фан, зинаи магистр тадриси 7 фан ва дар зинаи доктори фалсафа (PhD) аз рӯи ихтисос тадриси 3 фан ба роҳ монда шуда аст, ки бо барномаи таҳсилот, нақшаи таълимӣ, барномаи таълимӣ, силлабус, матни лексия ва дастурҳои таълимӣ таъмин мебошад.

 ЗИНАИ БАКАЛАВР

Ҳуҷҷатгузории муҳосибӣ;

Назарияи баҳисобгирии муҳосибӣ;

Баҳисобгирии муҳосибӣ;

Баҳисобгирии  муҳосибӣ  ва аудит;

Баҳисобгирии муҳосибии молиявӣ;

Баҳисобгирии   муҳосибии идоракунӣ;

Баҳисобгирии муҳосибӣ  дар бонкҳо;

Баҳисобгирии муҳосибӣ   дар  муассисаҳои буҷетӣ ва илмӣ;

Стандартҳои байналмилалии ҳисоботи молиявӣ

Стандартҳои байналмилалии ҳисоботи молиявӣ дар бахши давлатӣ

1-С муҳосибот

Моделҳои баҳисобгирии муҳосибӣ

Ҳисоботи молиявӣ

Амалияи муҳосибӣ

Ташхиси муҳосибӣ судӣ

Баҳисобгири муҳосибӣ дар саноат

Баҳисобгирии муҳосибии  андоз

Фаъолияти муҳосибӣ

ЗИНАИ МАГИСТР

Масъалаҳои баҳисобгирии муҳосибӣ дар кишоварзӣ

Стандартҳои байналмилалии ҳисоботи молиявӣ (омӯзиши васеъ)

Масъалаҳои баҳисобгирии муҳосибӣ дар саноат

Баҳисобгирии муҳосибии идоракунӣ (омӯзиши васеъ)

Моделҳои баҳисобгирии муҳосибӣ

Баҳисобгирии муҳосибии молиявӣ ( омӯзиши  васеъ)

Фаъолияти муҳосибӣ ( омӯзиши  васеъ)

ЗИНАИ ДОКТОРИ ФАЛСАФА (PhD)

Масъалаҳои муҳими баҳисобгирии  муҳосибӣ  ва аудит;

Ташкили коргузории муҳосибӣ;

Баҳисобгирии муҳосибии молиявӣ ( омӯзиши  васеъ).

             Кафедра бо истифода аз технологияҳо ва усулҳои муосири таълимӣ, ки ба стандартҳои байналмилалӣ мувофиқанд, мутахассисони соҳаи ҳисобдориро дар зинаҳои бакалавр, магистр ва доктор (PhD)  тайёр менамояд.

Ҳоло кафедра яке аз кафедраҳои пешсафи донишгоҳ ба ҳисоб рафта, мутахассисони соҳаҳои зеринро омода менамояд:

Фаъолияти кафедра айни замон аз руйи чор ихтисос 1-250108-баҳисобгирии бухгалтерӣ, таҳлил ва аудит, 1-25010801-баҳисобгирии бухгалтерӣ, таҳлил ва аудит дар бонк, 1-25010803-баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ, 1-25010805-баҳисобгирии бухгалтерӣ, таҳлил ва аудит дар саноат дар зинаҳои бакалавариат ва (рӯзона ва фосилавӣ), магистратура ба роҳ монда шудааст.  

1– 250108 – Баҳисобгирии бухгалтерӣ, таҳлил ва аудит, мутахассисонро дар самти баҳисобгирии муҳосибӣ (молиявӣ ва идоракунӣ), таҳлили молиявию иқтисодии фаъолияти ташкилотҳо, аудити дохилӣ ва беруна, баҳисобгирии андоз ва ҳисоботдиҳӣ, банақшагирӣ ва назорати молиявӣ, назорати риояи қонунгузории молиявӣ ва андозӣ тайёр мекунад. Хатмкунандагони ихтисоси "Баҳисобгирии бухгалтерӣ, таҳлил ва аудит" метавонанд вазифаҳои гуногунро  аз муҳосиб, сармуҳосиб, иқтисодчӣ, таҳлилгари молиявӣ, аудитор, мутахассиси андоз ва ҳисоботдиҳӣ то роҳбарии сатҳи олӣ дар ташкилотҳои хусусӣ ва давлатиро ишғол кунанд. Онҳо метавонанд дар муассисаю корхонаҳои бахши давлатӣ, ташкилотҳои қарзӣ, ташкилотҳои қарзии ғайрибонкӣ, корхонаҳои тиҷоратию итеҳсолӣ, корхонаҳои саноатӣ, ширкатҳои аудиторию машваратӣ, муассисаҳои молиявӣ ва сармоягузорӣ кору фаъолият намоянд. 

1-25010801 – Баҳисобгирии бухгалтерӣ, таҳлил ва аудит дар бонк, мутахассисонро дар самтҳои  баҳисобгирии бухгалтерӣ дар бонкҳо,  таҳлили молиявӣ ва иқтисодии фаъолияти бонкӣ, аудити дохилӣ ва берунаи бонкҳо, баҳисобгирӣ ва таҳлили хавфҳои бонкӣ, баҳисобгирии андоз дар соҳаи бонкдорӣ, назорати риояи қонунгузорӣ ва меъёрҳои бонкӣ омода менамояд. Хатмкунандагони ихтисоси "Баҳисобгирии бухгалтерӣ, таҳлил ва аудит дар бонк" метавонанд вазифаҳои гуногунро аз муҳосиб дар бонк, мутахассиси баҳисобгирии бонкӣ, иқтисодчии бонк, таҳлилгари молиявӣ, аудитори дохилии бонк, мутахассиси назорати дохилӣ ва ҳисоботдиҳӣ то роҳбарии сатҳи олӣ дар ташкилотҳои қарзиро ишғол кунанд. Онҳо метавонанд дар бонкҳои тиҷоратӣ, Бонки миллии Тоҷикистон, ташкилотҳои қарзии ғайрибонкӣ, ширкатҳои аудиторию машваратӣ, муассисаҳои молиявӣ ва сармоягузорӣ кор кунанд. 

1-25010803 – Баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ, мутахассисонро дар самтҳои баҳисобгирии муҳосибӣ ва буҷетӣ, баҳисобгирии иҷрои буҷет, таҳлили молиявию иқтисодии фаъолияти муассисаҳо, аудити дохилӣ ва назорати молиявӣ, баҳисобгирии андоз ва омори молиявӣ ва  назорати риояи қонунгузории молиявӣ ва буҷетӣ омода менамояд. Хатмкунандагони ихтисоси "Баҳисобгирии бухгалтерӣ, таҳлил ва аудит дар дар муассисаҳои буҷетӣ ва илмӣ" метавонанд вазифаҳои гуногунро аз муҳосиб дар муассисаи буҷетӣ ё илмӣ, сармуҳосиб, иқтисодчии муассисаи давлатӣ, мутахассиси шуъбаи молия ва иқтисод, аудитори дохилӣ, ревизор, мутахассиси назорати молиявию буҷетӣ то роҳбарии сатҳи олӣ дар муассисаҳо ва корхонаҳои бахши давлатиро ишғол кунанд. Онҳо метавонанд дар мақомоти ҳокимияти давлатӣ ва идоракунӣ, муассисаҳои буҷетӣ, раёсати молияҳо, муассисаҳои илмӣ-тадқиқотӣ ва таълимӣ,  мақомоти назорати молиявӣ ва ҳисоботӣ, фондҳо ва хадамотҳои агентии давлатӣ фаъолият намоянд. 

1-25010805 – Баҳисобгирии бухгалтерӣ, таҳлил ва аудит дар саноат, мутахассисонро дар самтҳои баҳисобгирии муҳосибӣ ва идоракунӣ дар корхонаҳои саноатӣ,  баҳисобгирии хароҷот ва ҳисоби арзиши аслии маҳсулот, таҳлили молиявию иқтисодии фаъолияти истеҳсолӣ, аудити дохилӣ ва берунаи корхонаҳои саноатӣ, баҳисобгирии андоз ва ҳисоботдиҳӣ, назорати риояи қонунгузории молиявӣ ва андозӣ омода менамояд. Хатмкунандагони ихтисоси "Баҳисобгирии бухгалтерӣ, таҳлил ва аудит дар дар саноат" метавонанд вазифаҳои гуногунро аз муҳосиб дар корхонаи саноатӣ,  сармуҳосиб, иқтисодчӣ оид ба истеҳсолот,  таҳлилгари молиявӣ, аудитори дохилӣ, мутахассиси банақшагирии молиявӣ то роҳбарии сатҳи олӣ дар ширкатҳо ва корхонаҳои саноатиро ишғол кунанд. Онҳо метавонанд дар корхонаҳои саноатӣ (давлатӣ ва хусусӣ), ширкатҳои истеҳсолӣ ва холдингҳо, ширкатҳои аудиторӣ ва машваратӣ, ташкилотҳои сармоягузорӣ, мақомоти молиявӣ ва андозӣ  кор кунанд.