ТАЪРИХИ КАФЕДРА

   Тибқи моддаи 18 Қонуни Ҷумҳурии Тоҷикистон «Дар бораи таҳсилоти олии касбии муассисаҳои олии таълимӣ» ва банди 4 Низомномаи намунавӣ оид ба муассисаи таълимии таҳсилоти олии касбии  Ҷумҳурии Тоҷикистон, мувофиқи фармони ректори Донишкадаи молияи Тоҷикистон,  таҳти № 36/И аз  9-уми июли  соли 2010-ум кафедраи «Ҳисобдорӣ, таҳлил ва аудит» ҳамҷун кафедраи тахассусӣ таъсис ёфт. Бо фармони ректори ДМТ, таҳти № 38/И, аз 12 июли соли 2011 кафедраи мазкур ба ду кафедраи мустақил: «Баҳисобгирии муҳосибӣ ва аудит», «Омор ва таҳлил» ҷудо карда шуд.

          Бо қарори Ҳукумати Ҷумҳурии Тоҷикистон, таҳти № 227 аз 11 майи соли 2012 дар заминаи Донишкадаи молияи Тоҷикистон ва Донишкадаи иқтисоди Тоҷикистон, Донишкадаи молия ва иқтисоди Тоҷикистон таъсис дода шуд. Инчунин Донишкадаи молия ва иқтисоди Тоҷикистон моҳи марти соли 2018 бо қарори Ҳукумати Ҷумҳурии Тоҷикистон номи Донишгоҳи давлатии молия ва иқтисоди Тоҷикистонро соҳиб шуд, ки кафедраи баҳисобгирии муҳосибӣ бо ҳамин ном дар зерсохтори факултети ҳисобдорӣ ва омор нигоҳ дошта шуд.

 Бо қарори ШО ДМИТ, таҳти № 1 аз 30 майи соли 2014 ва фармоиши Вазири молияи Ҷумҳурии Тоҷикистон № 39 аз 31 майи соли 2014 сохтори ДМИТ ва дар таркиби факултети ҳисобдорӣ ва омор кафедраи баҳисобгирии муҳосибӣ ва аудит тасдиқ карда шудааст. Мудирии кафедраи баҳисобгирии муҳосибӣ ва аудитро  н.и.и., дотсент Раҳимов С.Ҳ. ба ӯҳда дошт.

Бо фармони ректори ДМИТ, таҳти № 114/И, аз 8 июли соли 2014 кафедраи мазкур ба ду кафедраи мустақил: «Баҳисобгирии муҳосибӣ» ва «Аудит ва ревизия» ҷудо карда шуд.

 Аз моҳи ноябри соли 2014 то моҳи январи соли 2019  н.и.и., дотсент Пираков Р.М. ва аз моҳи феврали соли 2019 то моҳи феврали 2022  н.и.и., дотсент Маъдиев С. вазифаи мудири кафедраи баҳисобгирии муҳосибиро  ба  ӯҳда доштанд. Тибқи фармоиши ректори донишгоҳ аз 16.02.2022 сол  то инҷониб мудири кафедраи баҳисобгирии муҳосибӣ  номзади илмҳои иқтисодӣ, дотсент Бобомуродов Б.Э. мебошад.

Дар солҳои 2009-2012 дар ташкил ва рушди фаъолияти кафедра устодони зерин саҳмгузор мебошанд:  Шарифов З.Р., Раҳимов С.Х., Раҳмонов А.М., Раҳимов З., Маъдиев С.,  Солиев Н.Н., Исматов А.Ҳ., Бобомуродов П.Х., Олимов Д.А., Султонова С.М., Шарифова Р.Н., Тилакмуродова С.Д., Раҳматов Б.Қ., Рахимова Д. З. ва ғайраҳо.

            Фаъолияти кафедра дар асоси стандартҳо ва барномаҳои таҳсилоти тахассусӣ, нақшаҳои таълимӣ, фармоишу қарорҳо ва дастурҳои ректор, роҳбарияти факултет, қарорҳои Шӯрои олимони донишгоҳ, дастуру супоришҳои Вазорати маориф ва илми Ҷумҳурии Тоҷикистон ба роҳ мондааст. Аз тарафи ҳайати профессорон ва дотсентони кафедра китобҳои дарсӣ, васоитҳои таълимӣ, дастурҳои таълимӣ, барномаҳои таълимӣ, барномаҳои корӣ (силлабус) аз фаннҳои тахассусии кафедра барои бахшҳои низоми таҳсилоти кредитӣ таҳия гардиданд.

            Кафедраи баҳисобгирии муҳосибӣ яке аз кафедраҳои тахассусии пешсафи донишгоҳ буда, мутахассисони соҳаи ҳисобдориро вобаста ба зинаи таҳсилот дар чунин самтҳо омода менамояд:

аз рӯи ихтисоси 1-250108-“Баҳисобгирии бухгалтерӣ, таҳлил ва аудит” - зинаҳои таҳсилоти бакалавр ва магистр дар шуъбаи рӯзона ва таҳсилоти фосилавӣ;

аз рӯи ихтисоси 1-25010801-“Баҳисобгирии бухгалтерӣ, таҳлил ва аудит дар бонкҳо” - зинаи таҳсилоти бакалавр дар шуъбаи рӯзона ва таҳсилоти фосилавӣ;

аз рӯи ихтисоси 1-25010803-“Баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ” - зинаи таҳсилоти бакалавр дар шуъбаи рӯзона ва таҳсилоти фосилавӣ;

аз руи ихтисоси 6D050801- Баҳисобгирӣ ва аудит (6D050801- Баҳисобгирии муҳосибӣ ва аудит)-зинаи таҳсилоти доктори фалсафа (PhD) дар шуъбаи рӯзона.