ТАЪРИХИ КАФЕДРАИ ЗАБОНИ ТОҶИКӢ

           Кафедраи мазкур умумидонишгоҳӣ буда, таҳти роҳбарии мудири кафедра н.и.ф., Ҳасанова Манзура Абдурашидовна бо устодони таҷрибадор таъмин аст.Дар кафедра ду профессор, доктори илми филология Аслонова Н.Н. ва профессори кафедра Раҳмонов М. М. номзади илм, дотсент Сироҷова Н.Ф. ва н.и.ф., Б. Асоева, ду муаллими калон С. Муҳаммадиева, Мирзоев И. ва як оператор-ҳуҷҷатнигор Рузибаева Г. фаъолият менамоянд.

Устодони кафедра дар ҳамаи факултетҳои ДДМИТ аз фанни забони тоҷикӣ дар курсҳои якуми гурӯҳҳои академии тоҷикиву русии шуъбаҳои рӯзонаву фосилавӣ таълим медиҳанд. Ҳадафҳои таълими забони тоҷикӣ ҳамчун забони давлатӣ такмил додани малакаю маҳорати суханварӣ ва равшану возеҳ баён карда тавонистани фикр, бехато навиштан, риоя намудани меъёрҳои забони адабӣ, мукаммал намудани дарки аниқи ҷиҳатҳои хоси забони тоҷикӣ ҳамчун воситаи муошират ва интиқоли иттилоот, донистани истилоҳоти соҳаи тахассус, бо услуби хоси илмӣ баён намудани фикр ва таҳрир карда тавонистани матнҳои илмии соҳаи тахассус, ғанӣ гардонидани захираи луғавӣ ва рушди нутқи хаттию шифоҳии донишҷӯён аз ҳисоби истилоҳоти маъмули байналмилалӣ ва истилоҳоти тахассусии мардуми кишварҳои ҳамзабон мебошад. Кафедра барои дарсҳои амалӣ ва иҷрои корҳои мустақилонаи донишҷӯён китоби дарсӣ, китобу маводҳои таълимии электронӣ таҳия намудааст, ки онҳо дастраси донишҷӯён мебошад.

Дар кафедра маҳфили илмии донишҷӯён «Забони миллат-ҳастии миллат» амал мекунад, ки роҳбарии онро муаллими калони кафедраи забони тоҷикӣ Муҳаммадиева С.О., ба зимма дорад.

Кафедраро солҳои гуногун устодони зерин ба монанди д.и.ф., профессор Асозода Х. (1999-2005), д.и.ф., профессор Аслонова Н.Н. (2005-2006) роҳбарӣ кардаанд, н.и.ф., дотсент Раҳмонов М.М. аз соли (2006 -2024) масъулияти мудири кафедраро ба уҳда доштанд.