Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ҳамасола ҳамчун ҳуҷҷати муҳими сиёсӣ, иҷтимоӣ ва иқтисодӣ дар ҳаёти давлату ҷомеа нақши калидӣ мебозад. Паёми соли 2025 низ идомаи мантиқии сиёсати созанда, дурбинона ва мардуммеҳвари роҳбарияти олии кишвар буда, самтҳои асосии рушди минбаъдаи Тоҷикистонро дар шароити тағйирёбии босуръати ҷаҳонӣ муайян менамояд.

Дар ин Паём масъалаҳои муҳими рушди иқтисоди миллӣ, таъмини амнияти иҷтимоӣ, тақвияти соҳаҳои маорифу тандурустӣ, саноатикунонии босуръат, рақамикунонӣ, ҳифзи манфиатҳои миллӣ ва боло бурдани сатҳи зиндагии аҳолӣ мавриди баррасии амиқ қарор гирифтанд.

Яке аз меҳварҳои асосии Паёми соли 2025 рушди устувори иқтисоди миллӣ мебошад. Пешвои миллат таъкид намуданд, ки танҳо иқтисоди қавӣ метавонад истиқлолияти сиёсӣ, суботи иҷтимоӣ ва амнияти миллиро таъмин намояд.

Дар Паём ба масъалаҳои зерин таваҷҷуҳи махсус зоҳир гардид:

  • рушди истеҳсолоти ватанӣ;
  • баланд бардоштани иқтидори содиротӣ;
  • истифодаи самараноки захираҳои табиӣ;
  • дастгирии соҳибкории хурду миёна;
  • ҷалби сармоягузории дохилию хориҷӣ.

Зикр гардид, ки дар шароити таҳдидҳои иқтисодии ҷаҳонӣ Тоҷикистон бояд ба захираҳои дохилӣ такя намуда, самаранокии идоракунии иқтисодиро боз ҳам беҳтар созад.

Саноатикунонӣ ҳамчун яке аз ҳадафҳои стратегии кишвар таъкид гардид. Пешвои миллат саноатро муҳаррики асосии рушди иқтисодӣ номида, зарурати таъсиси корхонаҳои нави саноатӣ, ҷорӣ намудани технологияҳои муосир ва афзоиши ҷойҳои кориро муҳим арзёбӣ намуданд.

Хусусан, ба рушди: саноати коркард, саноати сабук, саноати хӯрокворӣ, энергетикаи «сабз» таваҷҷуҳи хос зоҳир шуд. Ин тадбирҳо ба коҳиши вобастагӣ аз воридот ва таҳкими амнияти иқтисодӣ мусоидат мекунанд.

Маориф ва илм дар Паём ҳамчун омили асосии рушди устувор арзёбӣ шуданд. Пешвои миллат таъкид намуданд, ки ояндаи давлат аз сатҳи донишу маърифати ҷавонон вобаста аст.

Дар ин замина, масъалаҳои зерин матраҳ гардиданд:

  • беҳтар намудани сифати таҳсил;
  • мутобиқсозии барномаҳои таълимӣ ба талаботи бозори меҳнат;
  • рушди таҳсилоти касбӣ ва техникӣ;
  • дастгирии омӯзгорон ва олимон;
  • густариши истифодаи технологияҳои рақамӣ дар соҳаи маориф.

Ин иқдомҳо барои тарбияи мутахассисони рақобатпазир ва ватандӯст заминаи устувор мегузоранд.

Хуллас, Паём ҳуҷҷати барномавии муҳими давлатӣ буда, роҳнамои рушд ва пешрафти Тоҷикистон дар солҳои минбаъда маҳсуб меёбад. Он таҷассумгари ормонҳои миллӣ, манфиатҳои мардум ва сиёсати созандаи давлат мебошад.

Иҷрои самараноки дастуру супоришҳои Пешвои миллат метавонад Тоҷикистонро ба марҳилаи нави рушд, зиндагии шоиста ва ояндаи дурахшон расонад. Паём на танҳо нақшаи амал, балки даъват ба ваҳдат, меҳнат, созандагӣ ва масъулияти шаҳрвандӣ мебошад.

Акобирзода Абӯтолиби Мирзоҳиммат,

ассистенти кафедраи иқтисоди корхонаҳо ва соҳибкорӣ