Дар ҷаҳони муосир, ки суръат нақши асосиро мебозад, тарзи муносибати давлат бо шаҳрванд бояд куллан тағйир ёбад. Ҳукумати электронӣ (e-Government)  на танҳо як сомона   балки як низоми мукаммали идоракунӣ мебошад, ки коғазбозиро  аз байн мебарад ва хизматрасониҳоро  осон мегардонад.

Чаро ин беҳтарин роҳ аст?

Гузариш ба ин низом ба ҷомеа фоидаҳои зиёд меорад:

  • Мубориза бо коррупсия:

Вақте ки робитаи мустақим байни шаҳрванд ва мансабдор кам мешавад, имкони талаб кардани пора ё истифода аз "шиносбозӣ" ба ҳади ақал мерасад.
• Суръати баланд:

- Хизматрасониҳое, ки пештар ҳафтаҳо вақт мегирифтанд, ҳоло дар чанд сония ё дақиқа иҷро мешаванд.

  • Сарфаи маблағ:

- Хароҷот барои коғаз, чоп ва нигоҳдории бойгониҳо ба таври назаррас кам мешавад.

Чӣ моро бозмедорад?

Гарчанде  ин низом идеалӣ менамояд, баъзе мушкилоте ҳастанд, ки набояд нодида гирифта шаванд:

  • Набудани мутахассисон дар ин соҳа;
  • Амнияти маълумот:

- Хавфи ҳамлаҳои ҳакерӣ ҳамеша вҷуд дорад. Агар система хуб ҳимоя нашавад, маълумоти шахсии миллионҳо нафар метавонад ба дасти бадхоҳон афтад..

  • Вобастагӣ аз нерӯи барқ ва интернет:

- Дар сурати қатъ шудани интернет ё барқ, тамоми низоми давлатӣ метавонад фалаҷ шавад.

Ояндаи ҳукумати электронӣ ба Интеллекти сунъӣ (AI) вобаста аст. Дар оянда система метавонад пешгӯӣ намояд, ки ба шаҳрванд кай ва кадом ҳуҷҷат лозим мешавад. Масалан: пеш аз ба охир расидани муҳлати шиноснома, система метавонад ба шахс хабар диҳад ва ҳатто худкор дархост омода намояд.

Хуллас, Ҳукумати электронӣ қадами муҳим дар роҳи рушди давлат мебошад. Он шаффофият, суръат ва самаранокиро таъмин намуда, зиндагии шаҳрвандонро  ос он мекунад. Бо вуҷуди баъзе мушкилот, татбиқи дурусти ин низом метавонад ояндаи идоракунии давлатро беҳтар созад.

 

Беҳрӯз Зарифов –

донишҷӯи соли аввали факултети

иқтисоди рақамӣ ва технологияи инноватсионӣ