Дар доираи баргузории озмуни ҷумҳуриявии «Беҳтарин донандаи Кодекси гумрук» қабл аз оғози қисми асосии чорабинӣ марҳилаи муҳими бақайдгирии иштирокчиён ба таври муташаккилона ба роҳ монда шуд. Ин раванд бо риояи тартибу қоидаҳои муқарраргардида сурат гирифта, барои таъмини шаффофият ва иштироки баробари довталабон мусоидат намуд.

Ҳангоми бақайдгирӣ маълумоти шахсии иштирокчиён, аз ҷумла ному насаб, муассисаи таълимӣ ва ихтисос мавриди санҷиш қарор дода шуда, ҳар як довталаб ба рӯйхати расмии иштирокчиён ворид гардид. Масъулини комиссия бо муносибати ҷиддӣ ва касбӣ ин марҳиларо идора намуда, барои иштирокчиён шароити мусоид фароҳам оварданд.

Ҳамзамон, бо мақсади сабти лаҳзаҳои хотирмон ва таҳкими фазои дӯстона, гирифтани аксҳои хотиравӣ ташкил карда шуд. Иштирокчиён, омӯзгорон ва масъулини чорабинӣ дар муҳити гарму самимӣ гирди ҳам омада, лаҳзаҳои зебои ин рӯзро дар аксҳо сабт намуданд. Ин аксҳо на танҳо хотираи як рӯзи муҳим, балки нишонаи талошу кӯшишҳои ҷавонон дар роҳи азхудкунии донишҳои соҳавӣ маҳсуб меёбанд.

Қобили зикр аст, ки чунин иқдомҳо дар баробари аҳамияти илмӣ доштани озмун, инчунин ба таҳкими ҳамкориҳо, баланд бардоштани ҳисси ифтихори миллӣ ва рушди ҷаҳонбинии касбии иштирокчиён мусоидат менамоянд. Бақайдгирии муназзам ва аксҳои хотиравӣ ҳамчун қисми ҷудонопазири чунин чорабиниҳо, ба сатҳи баланд баргузор гардидани он заминаи мусоид фароҳам меоранд.

 

Шуъбаи иттилоот ва нашрия